Landsbyggðin að pakka höfuðborgarúrvalinu saman

Úrvalslið landsbyggðarinnar leiðir 11-1 fyrir lokaumferðina í KPMG-bikarnum í golfi sem fram fer á Hólmsvelli í Leiru. Landsbyggðin vann fimm einvígi af sex í fjórmenningi í gær.

„Þetta hefur fallið okkur í hag fram til þessa en munurinn á liðunum er ekki svona mikill eins og úrslitin gefa til kynna,“ sagði Páll Ketilsson, liðsstjóri Landsbyggðarúrvalsins, í samtali við Kylfing.is.

Keppni í tvímenningi hefst klukkan 10. Ljóst er að allt þarf að ganga upp hjá höfuðborgarliðinu ætli það sér að verja titilinn sem liðið hefur unnið síðastliðin tvö ár.