Lele Hardy til Hauka

Haukar hafa fengið góðan liðsstyrk fyrir komandi átök í Domino's-deild kvenna en hin bandaríska Lele Hardy mun spila með liðinu næsta tímabilið.

Haukar staðfestu þetta á heimasíðu sinni en Hardy þekkir vel til íslenska körfuboltans eftir að hafa spilað með Njarðvík síðustu tvö tímbail. Hún varð Íslands- og bikarmeistari með Njarðvíkingum vorið 2012.

Hún er 25 ára gömul og skoraði 29,1 stig að meðaltali í leik með Njarðvíkurliðinu á síðustu leiktíð, auk þess að taka nítján fráköst og fimm stoðsendingar að meðaltali.

Haukar endurheimta einnig Guðrúnu Ámundadóttur og Írisi Sverrisdóttur úr meiðslum.