Gay féll líka á meistaramótinu

Bandarískir fjölmiðlar greina frá því að Tyson Gay hafi fallið á meira en einu lyfjaprófi þetta árið.

Gay greindi frá því fyrr í mánuðinum að hann hefði fallið á prófi sem var tekið þann 16. maí síðastliðinn við hefðbundið eftirlit.

En AP-fréttastofan greinir nú frá því að Gay hafi líka greinst með ólögleg lyf í líkamanum á bandaríska meistaramótinu í júní. Þá bar hann sigur úr býtum í 100 og 200 m hlaupi.

Þetta hefur þó ekki verið gert opinbert enn þar sem að rannsókn málsins stendur enn yfir. Fulltrúar Gay vildu heldur ekki tjá sig um málið í samtali við AP.

Því er einnig haldið fram að svokallað B-sýni úr prófi Gay frá maí síðastliðnum staðfesti að Gay hafi verið að taka inn ólögleg lyf.

Gay heldur því sjálfur fram að hann hafi ekki vitað að hann væri að taka inn ólögleg lyf. Þar að auki þykir það gefa til kynna að íþróttamaður sem fellur ítrekað á lyfjaprófum viti ekki að hann sé á ólöglegum lyfjum.