Þúsundir skipta yfir í DuckDuckGo leitarvélina vegna NSA hneykslisins

Aldrei hafa fleiri leitt hugann að friðhelgi einkalífsins á netinu eftir að NSA og fleiri sambærileg samtök urðu uppvís að stórfelldum persónunjósnum og að safna upplýsingum um fólk að því forspurðu.

Ljóst er að margir kæra sig ekkert um slíka hnýsni, sem sögð er í öryggisskyni, og hafa notendur leitarvélarinnar DuckDuckGo aldrei verið fleiri.

Stofnandi leitarvélarinnar, Gabriel Weinberg, varð þess var þegar þann 6. júní síðastliðinn að umferð um leitarvélina fór að aukast. Það var um sama leyti og NSA hneykslið kom upp. Í ljós kom að leitarvélarisinn Google, ásamt fleirum, veitti upplýsingar um notendur sínar.

Líkast til hafa þó fæstir heyrt um leitarvélina, sem minnir kannski frekar á kínverskan veitingastað en leitarvél. Það sem leitarvélin hefur fram yfir aðrar leitarvélar er aðalsmerki hennar: Engin spor eftir notandann.

Weinberg segir leitarorð í leitarvél gjarnan miklu meira einkamál en gögn sem eru á samfélagsmiðlum. Leitarorð eru „ef til vill persónulegustu upplýsingar sem fólk gefur frá sér. Þú skrifar vandamál þínar og langarnir. Þetta er ólíkt því sem þú myndir setja inn á samfélagsmiðlana," segir Weinberg.

Þetta kemur fram á vef Guardian.