Lækka um fjórðung í Andakíl Garðar Örn Úlfarsson skrifar 1. júní 2013 07:45 Veiðin í Andakílsá hrundi í fyrra. Mynd/veidibok.is Stangaveiðifélag Akraness hefur lækkað verð á þeim leyfum sem félagið selur í Andakílsá um fjórðung. Þeir sem höfðu keypt leyfi fá mismuninn endurgreiddan. "Salan er einfaldlega alltof lítil," útskýrir Skúli Garðarsson, gjaldkeri Stangaveiðifélags Akraness, ákvörðun stjórnar félagsins um 25 prósent lækkun á verði þeirra leyfa sem félagið selur í Andakílsá. Félagið ræður yfir um fjórðungi leyfanna. Stangaveiðifélag Reykjavíkur selur afganginn. Þar hefur ekki verið gripið til lækkana. Skúli segir að liðsmönnum Stangaveiðifélags Akraness hafi þegar gefist tækifæri til að kaupa leyfin í Andakíl á niðursetta verðinu. Undirtektir hafi verið mjög dræmar. Félagsmönnum sem höfðu keypt þau fáu leyfi sem seldust við úthlutun hafi þegar verið greiddur mismunurinn. "Félagið þarf einfaldlega að taka á sig tapið," svarar Skúli aðspurður hver sitji upp með skaðann. Lækkunin sé þó óumflýjanleg. "Einhvern veginn þurfum við að losna við þessi leyfi," segir hann. Veiðin í Andakílsá í fyrra var hreint hörmuleg. Sagt var frá því hér á Veiðivísi í byrjun október 2012 að heildarveiði sumarins hafi verið 83 laxar. Meðalveiði í ánni síðusta áratug er hins vegar 353 laxar. Árið 1998 var reyndar versta ár síðustu þriggja áratuga í Andakílsá. Þá veiddust 63 laxar. Stangaveiðifélag Akraness er auk Andakílsár með sölu á helmingi leyfanna í Fáskrúð,. Skúli segir söluna þar hafa gengið snöggtum betur þótt enn sé lausir dagar. Verð þar er óbreytt. Stangveiði Mest lesið Sex á land í Skjálfandafljóti; Tregða í Norðurá Veiði SVFR sendi ekki umsögn Veiði Silungur í forrétt annan í páskum Veiði Meira bókað en söluaðilar áttu von á Veiði 116 sm laxinn í Kjarrá engin lygasaga Veiði Meðalfellsvatn fór vel af stað um helgina Veiði Góður dagur í Elliðaánum í gær en rólegt í morgun Veiði Hafna fullyrðingum um riftun samnings í Eldvatni Veiði Nýr framkvæmdastjóri tekinn við hjá SVFR Veiði Lifnar yfir veiðinni í Hraunsfirði Veiði
Stangaveiðifélag Akraness hefur lækkað verð á þeim leyfum sem félagið selur í Andakílsá um fjórðung. Þeir sem höfðu keypt leyfi fá mismuninn endurgreiddan. "Salan er einfaldlega alltof lítil," útskýrir Skúli Garðarsson, gjaldkeri Stangaveiðifélags Akraness, ákvörðun stjórnar félagsins um 25 prósent lækkun á verði þeirra leyfa sem félagið selur í Andakílsá. Félagið ræður yfir um fjórðungi leyfanna. Stangaveiðifélag Reykjavíkur selur afganginn. Þar hefur ekki verið gripið til lækkana. Skúli segir að liðsmönnum Stangaveiðifélags Akraness hafi þegar gefist tækifæri til að kaupa leyfin í Andakíl á niðursetta verðinu. Undirtektir hafi verið mjög dræmar. Félagsmönnum sem höfðu keypt þau fáu leyfi sem seldust við úthlutun hafi þegar verið greiddur mismunurinn. "Félagið þarf einfaldlega að taka á sig tapið," svarar Skúli aðspurður hver sitji upp með skaðann. Lækkunin sé þó óumflýjanleg. "Einhvern veginn þurfum við að losna við þessi leyfi," segir hann. Veiðin í Andakílsá í fyrra var hreint hörmuleg. Sagt var frá því hér á Veiðivísi í byrjun október 2012 að heildarveiði sumarins hafi verið 83 laxar. Meðalveiði í ánni síðusta áratug er hins vegar 353 laxar. Árið 1998 var reyndar versta ár síðustu þriggja áratuga í Andakílsá. Þá veiddust 63 laxar. Stangaveiðifélag Akraness er auk Andakílsár með sölu á helmingi leyfanna í Fáskrúð,. Skúli segir söluna þar hafa gengið snöggtum betur þótt enn sé lausir dagar. Verð þar er óbreytt.
Stangveiði Mest lesið Sex á land í Skjálfandafljóti; Tregða í Norðurá Veiði SVFR sendi ekki umsögn Veiði Silungur í forrétt annan í páskum Veiði Meira bókað en söluaðilar áttu von á Veiði 116 sm laxinn í Kjarrá engin lygasaga Veiði Meðalfellsvatn fór vel af stað um helgina Veiði Góður dagur í Elliðaánum í gær en rólegt í morgun Veiði Hafna fullyrðingum um riftun samnings í Eldvatni Veiði Nýr framkvæmdastjóri tekinn við hjá SVFR Veiði Lifnar yfir veiðinni í Hraunsfirði Veiði