Tapaðist í fyrri leiknum

Cristiano Ronaldo náði sér engan veginn á strik í 2-0 sigri Real Madrid gegn Dortmund í undanúrslitum Meistaradeildar Evrópu í kvöld. Sigurinn dugði ekki þar sem Dortmund vann fyrri leikinn 4-1.

„Fyrri leikurinn skipti sköpum. Við sýndum þó í dag að við vorum með nógu sterkt lið til þess að fara í úrslitin," sagði Portúgalinn sem hefur oft leikið betur.

„Við klúðruðum færum og skoruðum of seint," sagði Ronaldo en mörk Real komu á síðustu tíu míníutúm leiksins. Ronaldo hrósaði stuðningsmönnum sínum og telur Real hafa betra lið en Dortmund.

„Við höfum sýnt að við erum betri en þeir en úrslitin í fyrri leiknum réðu úrslitum."