Framkonur í úrslitin

Fram tryggði sér sæti í úrslitum Íslandsmóts kvenna í handknattleik með 21-17 sigri á ÍBV í Eyjum í dag. Fram mætir Val eða Stjörnunni í úrslitaeinvíginu.

Jafnfræði var með liðunum framan af leik. Gestirnir úr Safamýri náðu þó frumkvæðinu undidr lok fyrri hálfleiks og leiddu í hálfleik 10-7.

Framarar náðu mest fimm marka forskoti í síðari hálfleik og sigurinn var aldrei í hættu. Liðið lék án Birnu Berg Haraldsdóttur sem handarbrotnaði í þriðja leik liðanna í Safamýri. Þá lék Stella Sigurðardóttir ekki með Framkonum vegna handarmeiðsla.

Á mánudagskvöldið kemur í ljós hver mótherji Fram verður í úrslitum. Þá mætast Valur og Stjarnan í fimmta leik liðanna en Valur lagði Stjörnuna að velli í fjórða leiknum í Garðabæ í dag.

Upplýsingar frá vefmiðlinum Fimmeinn.is.