Sjálfstæðisflokkur og Framsóknarflokkur jafnstórir

Sjálfstæðisflokkurinn og Framsóknarflokkurinn eru jafnstórir þegar búið er að telja upp úr kjörkössunum. Samfylkingin fær níu þingmenn, VG sjö og Björt Framtíð sex þingmenn. Pírataflokkurinn er svo með þrjá menn á þingi. Tuttugu og sjö nýir þingmenn koma inn, eða rétt tæplega þriðjungur allra þingmanna.

Fréttastofa Stöðvar 2 og Vísis mældu Pírataflokkinn inni með þrjá þingmenn lungann úr nóttunni á meðan aðrir miðlar, svo sem RÚV og mbl.is, veigruðu sér við því. Ástæðan eru ólíkar forsendur við útreikning á jöfnunarsætum. Þegar búið er að telja upp úr kjörkössunum mæla allir miðlar Pírataflokkinn inni með þrjá menn.

Þingmönnum Framsóknarflokksins fjölgar um 10, þeir fara úr 9 í 19. Þingmönnum Sjálfstæðisflokksins fjölgar um þrjá, þeir fara úr sextán í nítján. Þingmönnum Samfylkingarinnar fækkar hins vegar um helming, þeir fara úr 20 í 10. Þingmönnum VG fækkar líka um helming, þeir fara úr fjórtán í sjö.