Tiger sættir sig við refsinguna

Tiger Woods slapp við frávísun af Masters-mótinu fyrr í dag. Honum var þó refsað en hann fékk tveggja högga refsingu fyrir ólöglegt dropp sem þó var ekki viljandi.

Einhverjir málsmetandi menn í golfheiminum kölluðu eftir því í dag að Tiger myndi draga sig úr keppni. Hann varð ekki við þeim óskum og er nú að spila þriðja hringinn.

Hann sendi frá sér yfirlýsingu áður en hann fór af stað þar sem hann segist sætta sig við úrskurð dómaranefndarinnar.

Bein útsending er hafin frá þriðja hring Masters á Stöð 2 Sport og Sport HD.