Stella spilaði og Fram vann stórsigur

Fram er komið með annan fótinn í úrslitarimmu N1-deildar kvenna eftir sigur, 28-18, gegn ÍBV í Eyjum í dag. Staðan í einvígi liðanna er 2-0 fyrir Fram sem kemst í úrslit með sigri í næsta leik.

Fram leiddi allan leikinn og var með sterka stöðu í hálfleik, 15-7.

Óvissa var með þáttöku Stellu Sigurðardóttur í liði Fram vegna meiðsla. Það tókst að tjasla henni saman og hún átti flottan leik og skoraði sex mörk.

Úrslit:

ÍBV-Fram  18-28 (7-15)

Mörk ÍBV: Drífa Þorvaldsdóttir 5, Simone Vintale 3, Sandra Dís Sigurðardóttir 2, Grigore Ggorgata 2, Guðbjörg Guðmannsdóttir 2, Ester Óskarsdóttir 2, Rakel Hlynsdóttir 1, Ingibjörg Jónsdóttir 1.

Mörk Fram: Stella Sigurðardóttir 6, Guðrún Þóra Hálfdánsdóttir 5, Ásta Birna Gunnarsdóttir 4, Sigurbjörg Jóhannsdóttir 4, Sunna Jónsdóttir 3, Elísabet Gunnarsdóttir 3, Marthe Sördal 1.