ÍBV vann eftir framlengdan leik

Fyrsta leik kvöldsins í úrslitakeppni N1-deildar kvenna er lokið. ÍBV vann þá sigur á FH, 29-26, eftir framlengingu.

ÍBV leiddi í hálfleik, 14-12, en FH kom til baka og þegar venjulegur leiktími var liðinn þá var staðan 24-24.

Það þurfti því að framlengja og þar var Eyjaliðið sterkara. ÍBV er því 1-0 yfir í rimmunni og kemst áfram með sigri í næsta leik.

ÍBV-FH 29-26

Mörk ÍBV: Guðbjörg Guðmannsdóttir 7, Simona Vintale 6, Drífa Þorvaldsdóttir 4, Ester Óskarsdóttir 4, Grigore Gorgata 3, Ingibjörg Jónsdóttir 2, Sandra Dís Sigurðardóttir 2, Sandra Gísladóttir 1.

Mörk FH: Ásdís Sigurðardóttir 8, Birna Íris Helgadóttir 5, Ingibjörg Pálmadóttir 4, Þórey Anna Ásgeirsdóttir 3, Aníta Mjöll Ægisdóttir 2, Berglind Ós Björgvinsdóttir 2, Elín Anna Baldursdóttir 1.