Fram, ÍBV og Stjarnan komin áfram

Þremur leikjum af fjórum er lokið í úrslitakeppni N1-deildar kvenna í dag. Fram, ÍBV og Stjarnan tryggðu sér öll sæti í undanúrslitunum.

Stjarnan fór illa með HK í fyrsta leik liðanna á fimmtudagskvöldið og fylgdi því eftir með tveggja marka sigri í Digranesi í dag, 29-27. Hanna G. Stefánsdóttir fór á kostum í leiknum og skoraði fjórtán mörk.

Þá hafði ÍBV betur gegn FH, 25-19, í Hafnarfirði. Framlengja þurfti fyrri leikinn en þar hafði ÍBV betur á endanum.

FH-ingar söknuðu Ásdísar Sigurðardóttur sem var ekki með í dag vegna leikbanns. Hún fékk að líta beint rautt spjald í Eyjum.

Þá er Fram komið áfram eftir tvo örugga sigra á Gróttu. Leik liðanna í dag lauk með ellefu marka sigri Fram, 31-20.

Klukkan 16.00 eigast svo við Haukar og Valur en staðan í þeirri rimmu er 1-0 fyrir deildarmeistara Vals.

Undanúrslitin hefjast á föstudagskvöldið næstkomandi.

Grótta - Fram 20-31 (9-12)

Mörk Gróttu: Sunna María Einarsdóttir 7, Harpa Baldursdóttir 4, Laufey Ásta Guðmundsdóttir 3, Unnur Ómarsdóttir 2, Sigrún Birna Arnardóttir 2, Ásrún Lilja Birgisdóttir 1, Arndís María Erlingsdóttir 1.

Mörk Fram: Stella Sigurðardóttir 11, Sunna Jónsdóttir 5, Hekla Rún Ámundadóttir 4, Marthe Sördal 3, Birna Berg Haraldsdóttir 3, María Karlsdóttir 2, Hafdís Iura 1, Ásta Birna Gunnarsdóttir 1, Sigurbjörg Jóhannsdóttir 1.

FH - ÍBV 19-25 (9-14)

Mörk FH: Steinunn Snorradóttir 6, Aníta Mjöll Ægisdóttir 3, Berglind Ósk Björgvinsdóttir 3, Þórey Ásgeirsdóttir 3, Birna Íris Helgadóttir 1, Gunnur Sveinsdóttir 1, Elín Anna Baldursdóttir 1.

Mörk ÍBV: Guðbjörg Guðmannsdóttir 7, Simone Vintale 5, Ester Óskarsdóttir 4, Gregore Gorgata 4, Drífa Þorvaldsdóttir 3, Ingibjörg Jónsdóttir 1, Rakel Hlynsdóttir 1.

HK - Stjarnan 27-29 (13-15)

Mörk HK: Brynja Magnúsdóttir 9, Emma Havin Sardarsdóttir 5, Jóna Sigríður Halldórsdóttir 4, Arna Björk Almarsdóttir 3, Guðrún Erla Bjarnadóttir 2, Gerður Arinbjarnar 2, Nataly Sæunn Valencia 1, Valgerður Ýr Þorsteinsdóttir 1.

Mörk Stjörnunnar: Hanna G. Stefánsdóttir 14, Þórhildur Gunnarsdóttir 5, Jóna M. Ragnarsdóttir 3, Kristín Clausen 2, Sólveig Lára Kjærnested 2, Helena Rut Örvarsdóttir 1, Sandra Sigurjónsdóttir 1, Rakel Dögg Bragadóttir 1.