Bolt náði ekki að setja heimsmet á Copacabana

Usain Bolt tókst ekki að bæta heimsmet sitt í 150 metra hlaupi þegar hann keppti í þessari óvenjulegu grein á Copacabana ströndinni í Río de Janeiro í Brasilíu. Bolt þó öruggan sigur í hlaupinu þegar hann kom í mark á 14,42 sekúndum en þetta hlaup var hluti af páskahátíðinni í Río en þar fara einmitt Ólympíuleikarnir fram 2016.

Usain Bolt keppti við þá Daniel Bailey frá Antígva og Barbúda, Alex Quinonez frá Brasilíu og Bruno de Barros frá Brasilíu í hlaupinu. Bolt byrjaði ekki vel en bætti í og var nálægt því að ná heimsmeti sínu.

Heimsmet Bolt er síðan 2009 en hann hljóp þá á 14,35 sekúndum í Manchester-borg en eins og flestir vita þá er Bolt mikill stuðningsmaður Manchester United.

Það er hægt að sjá myndband af hlaupinu hér fyrir neðan.