Sunna María skoraði fimmtán mörk

Fjórum leikjum af fimm er lokið í N1-deild kvenna í dag þar sem hæst bar sigur Fram á Stjörnunni, 34-27.

Stjarnan er eina liðið sem hefur unnið topplið Vals í deildinni í vetur en liðið þurfti að sætta sig við tap í dag. Fram er nú með 30 stig, rétt eins og Valur sem á leik til góða.

Stjarnan er í fjórða sætinu með 20 stig, þremur á eftir ÍBV sem hafði betur gegn FH á útivelli, 26-19. Selfoss vann einnig Fylki, 28-23.

Þá vann Grótta sigur á Aftureldingu, 25-22, þar sem Sunna María Einarsdóttir fór á kostum í liði Seltirninga og skoraði fimmtán mörk.

Eftir góðan fyrri hálfleik hjá Gróttu náðu þó Mosfellingar að hleypa spennu í leikinn í þeim síðari. Afturelding náði að minnka muninn minnst í eitt mark en nær komst liðið ekki.

Klukkan 16.00 í dag eigast við Haukar og HK.

Úrslit dagsins:

Fram - Stjarnan 34-27 (15-13)

Mörk Fram: Stella Sigurðardóttir 9, Birna Berg Haraldsdóttir 6, Elísabet Gunnarsdóttir 6, Ásta Birna Gunnarsdóttir 4, Sunna Jónsdóttir 4, Guðrún Þór Hálfdánsdóttir 2, Sigurbjörg Jóhannsdóttir 2, Steinunn Björnsdóttir 1.

Varin skot: Hildur Gunnarsdóttir 6, Guðrún Bjartmarz 5.

Mörk Stjörnunnar: Jóna M. Ragnarsdóttir 9, Esther V. Ragnarsdóttir 7, Rakel Dögg Bragadóttir 5, Þórhildur Gunnarsdóttir 2, Hanna G. Stefánsdóttir 2, Kristín Clausen 1, Sandra Sif Sigurjónsdóttir 1.

Varin skot: Hildur Guðmundsdóttir 3, Sunneva Einarsdóttir 2.

Afturelding - Grótta 22-25 (8-13)

Mörk: Aftureldingar: Hekla Daðadóttir 9, Sara Kristjánsdóttir 5, Telma Frímannsdóttir 3, Sigrún Másdóttir 2, Sandra Egilsdóttir 1, Vigdís Brandsdóttir 1, Grace Þorkelsdóttir 1.

Varin skot: Brynja Þorsteinsdóttir 15.

Mörk Gróttu: Sunna María Einarsdóttir 15, Guðríður Ósk Jónsdóttir 3, Unnur Ómarsdóttir 2, Arndís María Erlingsdóttir 2, Laufey Ásta Guðmundsdóttir 1, Eva Björk Davíðsdóttir 1, Steinunn Kristín Jóhannsdóttir 1.

Varin skot: Elín Jóna Þorsteinsdóttir 16.

FH - ÍBV 19-26 (10-12)

Mörk FH: Þórey Ásgeirsdóttir 4, Berglind Ósk Björgvinsdóttir 3, Ásdís Sigurðardóttir 3, Sigrún Jóhannsdóttir 2, Aníta Mjöll Ægisdóttir 2, Birna Íris Helgadóttir 2, Steinunn Snorradóttir 1, Gunnur Sveinsdóttir 1, Ingibjörg Pálmadóttir 1.

Mörk ÍBV: Drífa Þorvaldsdóttir 9, Guðbjörg Guðmannsdóttir 5, Simone Vintale 5, Gregore Gorgata 5, Ivana Mledenovic 2.

Selfoss - Fylkir 28-23

Upplýsingar um markaskorara hafa ekki borist.