Kári Steinn og Rannveig eru hlauparar ársins 2012

Framfarir – hollvinafélag millivegalengda og langhlaupara, völdu um helgina frammúrskarandi hlaupara og hlaupahópa ársins 2012 en þetta er tíunda árið í röð sem samtökin afhenda þessi verðlaun. Viðurkenningarnar voru veittar á Reykjavík International Games í Laugardalshöll.

Rannveig Oddsdóttir úr UFA og Kári Steinn Karlsson úr Breiðabliki voru kosin hlauparar ársins en þau efnilegustu þóttu vera Aníta Hinriksdóttir úr ÍR og Arnar Orri Sveinsson úr ÍR.

Hér fyrir neðan má sjá rökstuðning valnefndarinnar.

Konur:

Hlaupari ársins: Rannveig Oddsdóttir UFA

Rannveig hefur bætt árangur sinn jafnt og þétt undanfarin ár. Rannveig náði sínum besta árangri í 10 km hlaupi í sumar en þá hljóp hún á tímanum 37:11 mín í Akureyrarhlaupinu sem jafnframt var Íslandsmótið í 10 km götuhlaupi og bar hún þar sigur úr bítum. Þá tók hún þátt í Berlínarmaraþoninu í október þar sem hún náði öðrum besta tíma Íslendings frá upphafi 2:52,3 klst Þessi árangur fleytti henni inn í Ólympíuhóp FRÍ 2016.

Mestu framfarir: Rannveig Oddsdóttir UFA

Rannveig bætti tímann sinn í 10 km götuhlaupi úr 37:51 mín árið 2010 í 37:11 mín árið 2012. Hún bætti tímann sinn í hálfu maraþoni úr 1:24:05 klst í 1:23:19 klst og síðast en ekki síst bætti hún tímann sinn í maraþoni úr 2:57:33 klst í 2:53:3 klst.

Efnilegasti unglingurinn: Aníta Hinriksdóttir ÍR

Aníta Hinriksdóttir átti frábært ár og stimplaði sig inn sem besti hlaupari landsins og okkar mesta efni í millivegalengdum og langhlaupum fyrr og síðar. Aníta bætti fjöldamörg Íslandsmet á árinu, en þar ber hæst metið 800m hlaupi kvenna innanhúss þegar hún hljóp á 2:05,96 mín snemma í janúar og 800m hlaup kvenna utanhúss 2:03,15 mín í júlí þar sem hún bætti 29 ára gamal met Ragnheiðar Ólafsdóttur FH. Hún stimplaði sig á alþjóðagrundu þegar hún náði 4. sæti á HM 17 ára og yngri í Barcelona Spáni í sumar.



Karlar:

Hlaupari ársins: Kári Steinn Karlsson Breiðablik

Kári Steinn stóð sig frábærlega á Ólympíuleikunum í London árið 2012 þar sem hann náði 42. sæti af yfir 100k eppendum á tímanum 2:18:47 klst.. Þá náði hann á vormánuðum 3. sæti á Norðurlandamótinu í 10 km brautarhlaupi á tímanum 29:50,56 mín ásamt því að vinna öll mót og halup sem hann tók þátt í á íslenskri grundu.

Mestu framfarir: Ingvar Hjartarson Fjölni

Ingvar stimplaði sig inn sem hörku hlaupara á árinu 2012. Hann bætti 5000m tímann sinn innanhúss úr 16:49,52 mín árið 2011 í 15:16,04 mín árið 2012 sem er veruleg bætin. Þá syndic hann styrk sinn í götuhlaupunum þegar hann hljóp 10km á 33:47 mín í Brúarhlaupinu og náði 2. sæti í Gamlárshlaupi ÍR.

Efnilegasti unglingurinn: Arnar Orri Sveinsson ÍR

Arnar Orri sannaði sig sem mikið efni í millivegalengdahlaupum þegar hann hljóp 800m á 2:01,81 mín utanhúss (bæting úr 2:03,01 mín) og 2:00,20 mín innahúss (bæting úr 2:04,01 mín).

Hlaupahópur ársins:

Afrekshópur – Ármann Daníel Smári Guðmundsson

Valnefndin varskipuð var Jóni Sævari Þórðarsyni, Ragnheiði Ólafsdóttur, Sigurði Pétir Sigmundssyni og Stefáni Guðmundssyni.