Stjörnukonur fyrstar til að vinna Val í deildinni í vetur

Stjörnukonur unnu óvæntan þriggja marka sigur á toppliði Vals, 27-24, í N1 deild kvenna í handbolta í dag en leikurinn fór fram í Vodafonehöllini á Hlíðarenda.

Þetta var fyrsta deildartap Valsliðsins á tímabilinu en Valskonur voru búnar að vinna þrettán fyrstu leiki sína í deildinni. Þetta er jafnframt fyrsta deildartap Vals í Vodafonehöllinni í tæp þrjú ár eða síðan liðið lá á móti Fram 27.mars 2010.

Valsliðið hafði því fyrir leikinn unnið 23 heimaleiki í röð í deildarkeppninni. Sex á þessu tímabili, átta tímabilið 2011-12 og níu tímabilið 2010-11.

Stjörnukonur komu hinsvegar sterkar til baka eftir að þær duttu út úr bikarkeppninni á móti HK í vikunni.



Valur - Stjarnan 24-27 (8-12)

Mörk Vals: Hrafnhildur Ósk Skúladóttir 7, Anna Úrsúla Guðmundsdóttir 5, Dagný Skúladóttir 4, Karólína Bæhrenz Lárudóttir 3, Þorgerður Anna Atladóttir 2, Ragnhildur Rósa Guðmundsdóttir 2, Íris Ásta Pétursdóttir 1.

Mörk Stjörnunnar: Hanna Guðrún Stefánsdóttir 6, Rakel Dögg Bragadóttir 5, Þórhildur Gunnarsdóttir 5, Esther Viktoría Ragnarsdóttir 4, Jóna Margrét Ragnarsdóttir 3, Sandra Sif Sigurjónsdóttir 3, Helena Rut Örvarsdóttir 1.