Burt með Jesús og jólasveina Friðrika Benónýsdóttir skrifar 13. desember 2012 06:00 Ég trúi ekki á jólasveina. Ég hef lagt mikla vinnu í að halda þeim frá börnunum mínum og mér finnst forkastanlegt að leikskólar, skólar, verslanir og félagasamtök skuli halda þessum ófögnuði að börnunum. Það hlýtur að vera sanngirniskrafa að börn foreldra sem afneita jólasveinum séu ekki jaðarsett í aðdraganda jóla þegar öll hin börnin skemmta sér á jólaböllum. Hvað hafa þessir feitu rauðklæddu karlar með jólin að gera yfirhöfuð? Og Jesús! Hverjum dettur í hug að neyða börn til að hlusta á sögur af þessum löngu dauða kalli þegar undirbúningur fæðingarhátíðar hans stendur sem hæst? Það liggur í augum uppi að með því er gróflega brotið á þeim stóra hluta mannkyns sem alls ekki trúir flökkusögunni um þennan svokallaða frelsara. Burt með þennan heilaþvott! Svo ekki sé nú minnst á þau ósköp að bæði Jesús og jólasveinarnir eru karlkyns allir með tölu. Á virkilega að koma þeim hugmyndum inn hjá börnum að jólin séu karllæg hátíð þar sem eina hlutverk kvenna sé að elda einhverjar endemis steikur, baka smákökur og þrífa? Hingað og ekki lengra. Ef endilega þarf að halda þessum fígúrum á lofti í kringum jólin er lágmarkskrafa að helmingnum verði breytt í jólasveinkur svo stúlkur alist ekki upp við þær ranghugmyndir að þær geti aldrei orðið jólasveinar. Skammdegistuði Íslendinga eru lítil takmörk sett, en ég held svei mér þá að það hafi náð nýjum hæðum á þessari aðventu. Þótt dæmin hér að framan séu auðvitað stórlega ýkt er þó í þeim andblær þeirrar umræðu sem geisað hefur í samfélaginu undanfarið. Andblær sem ég, og eflaust margir aðrir, á erfitt með að kyngja. Að fólk skuli halda því fram í fullri alvöru að það sé brot á mannréttindum barna að önnur börn fari í kirkju á aðventunni eða að það séu svik við börn að láta þau halda að jólasveinar séu til er ofvaxið mínum skilningi. Um hvað eru jólin þá? Jú, jú, jólin eru forn hátíð sem snúast um að fagna hækkandi sól, mikil ósköp, en þeim jólum var ekki fagnað með kaupæði, kóklestum og smákökubakstri. Þau voru blót þar sem menn drukku hraustlega, færðu guðum sínum fórnir og vógu gjarnan mann og annan. Eigum við að innleiða það aftur? Enginn neyðir fólk sem ekki trúir á Jesús og jólasveina til að halda jól, það er alfarið frjálst val. Og að heimta að allir aðrir fórni sínum jólahefðum svo engum verði nú misboðið er dálítið langt gengið í frekjunni. Hvað varð um hátíð friðar, kærleika og umburðarlyndis? Viltu birta grein á Vísi? Sendu okkur póst. Senda grein Friðrika Benónýsdóttir Mest lesið Sex ára sáttmáli Davíð Þorláksson Skoðun Skapandi menntun skilar raunverulegum árangri Bryngeir Valdimarsson Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Heiðursgestur Viðreisnar vill heimsveldi Hjörtur J. Guðmundsson Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Styrkjum stöðu leigjenda Kristján Þórður Snæbjarnarson Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Ég trúi ekki á jólasveina. Ég hef lagt mikla vinnu í að halda þeim frá börnunum mínum og mér finnst forkastanlegt að leikskólar, skólar, verslanir og félagasamtök skuli halda þessum ófögnuði að börnunum. Það hlýtur að vera sanngirniskrafa að börn foreldra sem afneita jólasveinum séu ekki jaðarsett í aðdraganda jóla þegar öll hin börnin skemmta sér á jólaböllum. Hvað hafa þessir feitu rauðklæddu karlar með jólin að gera yfirhöfuð? Og Jesús! Hverjum dettur í hug að neyða börn til að hlusta á sögur af þessum löngu dauða kalli þegar undirbúningur fæðingarhátíðar hans stendur sem hæst? Það liggur í augum uppi að með því er gróflega brotið á þeim stóra hluta mannkyns sem alls ekki trúir flökkusögunni um þennan svokallaða frelsara. Burt með þennan heilaþvott! Svo ekki sé nú minnst á þau ósköp að bæði Jesús og jólasveinarnir eru karlkyns allir með tölu. Á virkilega að koma þeim hugmyndum inn hjá börnum að jólin séu karllæg hátíð þar sem eina hlutverk kvenna sé að elda einhverjar endemis steikur, baka smákökur og þrífa? Hingað og ekki lengra. Ef endilega þarf að halda þessum fígúrum á lofti í kringum jólin er lágmarkskrafa að helmingnum verði breytt í jólasveinkur svo stúlkur alist ekki upp við þær ranghugmyndir að þær geti aldrei orðið jólasveinar. Skammdegistuði Íslendinga eru lítil takmörk sett, en ég held svei mér þá að það hafi náð nýjum hæðum á þessari aðventu. Þótt dæmin hér að framan séu auðvitað stórlega ýkt er þó í þeim andblær þeirrar umræðu sem geisað hefur í samfélaginu undanfarið. Andblær sem ég, og eflaust margir aðrir, á erfitt með að kyngja. Að fólk skuli halda því fram í fullri alvöru að það sé brot á mannréttindum barna að önnur börn fari í kirkju á aðventunni eða að það séu svik við börn að láta þau halda að jólasveinar séu til er ofvaxið mínum skilningi. Um hvað eru jólin þá? Jú, jú, jólin eru forn hátíð sem snúast um að fagna hækkandi sól, mikil ósköp, en þeim jólum var ekki fagnað með kaupæði, kóklestum og smákökubakstri. Þau voru blót þar sem menn drukku hraustlega, færðu guðum sínum fórnir og vógu gjarnan mann og annan. Eigum við að innleiða það aftur? Enginn neyðir fólk sem ekki trúir á Jesús og jólasveina til að halda jól, það er alfarið frjálst val. Og að heimta að allir aðrir fórni sínum jólahefðum svo engum verði nú misboðið er dálítið langt gengið í frekjunni. Hvað varð um hátíð friðar, kærleika og umburðarlyndis?
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun