Bumbubúi?

Kærustuparið myndarlega Blake Lively og Ryan Reynolds héldu upp á þjóðhátíðardag Bandaríkjanna síðastliðinn miðvikudag, ásamt öðrum löndum sínum. Myndir af parinu hafa vakið mikla athygli í slúðurheimum og virðast þau vera ástfangnari en nokkru sinni fyrr.

Það sem vakið hefur enn meiri athygli er þó klæðnaður Lively sem var íklædd bláum, doppóttum sundbol í grillpartíi þar sem parið fagnaði deginum ásamt systur leikkonunnar og fjölskyldu hennar. Ákvörðun hennar að klæðast sundbol í stað bikinís hefur ýtt undir þann orðróm að hún kunni að bera barn undir belti. Það verður því spennandi að fylgjast með því hvort leikkonan vinsæla fari að þykkna um sig miðja, en reynist sú raunin verður það afsprengi líklega með þeim fallegri í bransanum.