Sængaði hjá vændiskonu

Leikarinn Charlie Sheen missti sveindóminn 15 ára gamall með vændiskonu að nafni Candy. Þessu uppljóstraði leikarinn í viðtali við Rolling Stone Magazine. Og, það sem meira er, hann borgaði vændiskonunni með stolnu kreditkorti frá föður sínum, Martin Sheen, sem svaf í hótelherberginu við hliðina er þeir dvöldu í Las Vegas.

Sheen segir nóttina hafa verið þá bestu sem hann hafi upplifað. „Þetta var besta nótt lífs míns. Þegar faðir minn komst að þessu tveimur vikum seinna var hans mesta áhyggjuefni að ég hefði ruglað kynlífinu saman við ást." Sheen segist vera háður konum en hann hefur verið giftur þrisvar og á fimm börn.