Kanar kynnast Gnarr

Heimildarmyndin Gnarr í leikstjórn Gauks Úlfarssonar um framboð Besta flokksins í borgarstjórnarkosningunum árið 2010 hlaut ágætis viðtökur þegar hún kom út hér á landi. Myndin var í kjölfarið kynnt á fjölda kvikmyndahátíða erlendis og hlaut sums staðar talsvert lof.

Á þriðjudag gafst hins vegar almenningi í Bandaríkjunum loksins færi á að sjá myndina. Er hún nú fáanleg á netinu í gegnum Focus Features, dótturfyrirtæki NBC-sjónvarpsstöðvarinnar í Bandaríkjunum. Nú er bara að sjá hvernig Bandaríkjamenn kunna að meta Jón Gnarr.

Hægt er að leigja myndina á heimasíðu Focus Features.