Spennandi verkefni í Austurríki Eiríkur Stefán Ásgeirsson skrifar 8. febrúar 2012 07:00 Patrekur þjálfaði Stjörnuna hér á landi áður en hann hélt utan til Þýskalands. Hann er nú kominn aftur heim en þjálfar nú austurríska landsliðið.nordic photos/getty Patrekur Jóhannesson tók í haust við starfi landsliðsþjálfara Austurríkis og kom liðinu yfir sína fyrstu hindrun á leið á HM í handbolta sem fer fram á Spáni á næsta ári. Hann segir starfið gott og metnaðinn mikinn hjá austurríska landsliðinu. Patrekur er ekki fyrsti Íslendingurinn sem sinnir þessu starfi en Dagur Sigurðsson gerði það með góðum árangri frá 2008 til 2010. Hann náði níunda sæti á EM þar í landi árið 2010 og kom svo liðinu á HM í Svíþjóð áður en hann lét af störfum. Patrekur tók við af Svíanum Magnus Andersson sem átti ekki jafn góðu gengi að fagna. En forráðamenn austurríska landsliðsins ætla sér að festa liðið í sessi á alþjóðlegum vettvangi. Austurríki fór nokkuð létt í gegnum riðil sinn í forkeppninni í síðasta mánuði og spilaði þar gegn Ísrael og Bretlandi. Unnið sjö af níu leikjum„Fyrsta markmiðið var að komast í gegnum þennan riðil og gerðum við það nokkuð sannfærandi," segir Patrekur. „Erfiðasti leikurinn var útileikurinn í Ísrael en við unnum þann leik með níu mörkum. Ég er því mjög sáttur við þessa byrjun. Alls höfum við spilað níu leiki og þar af unnið sjö." Patrekur hefur verið óhræddur við að tefla fram ungum og óreyndum leikmönnum og stefnir að því að byggja upp sterkt lið til frambúðar. „Ég hef verið að gefa ungum leikmönnum stærra hlutverk og er það nauðsynlegt. Það hafa nokkrir lykilmenn gengið úr skaftinu á síðustu árum og því hefur þurft að endurnýja liðið að stóru leyti. Það hefur gengið mjög vel og við erum ánægðir með þeirra framgöngu," segir hann. „Ég er líka með eldri leikmenn sem þekkja þetta allt og þetta er því ágæt blanda." Sinnir starfinu frá ÍslandiPatrekur þekkir vel til í Þýskalandi þar sem hann spilaði lengi og fyrir skömmu þjálfaði hann lið Emsdetten í B-deildinni. Hann var þó fluttur til Íslands þegar hann tók við starfinu og er enn búsettur hér á landi. „Ég þekkti ekki mikið til austurrísku deildarinnar og var nokkuð duglegur að fara út fyrstu mánuðina. Ég hef svo góðan aðgang að leikjum í gegnum netið og verið nokkur upplýstur um gang mála í deildinni," segir Patrekur. Handboltaíþróttin hefur tekið nokkurn kipp eftir að Evrópumeistaramótið var haldið þar í landi og segir Patrekur það augljóst að það sé uppgangur þar um þessar mundir. „Það er mjög vel haldið utan um landsliðið og umgjörðin um liðið afar fagmannleg. Ég er með mjög öflugt starfsteymi í kringum liðið sem sér um að leikmenn séu vel þjálfaðir." Patrekur starfaði áður sem íþróttafulltrúi Garðabæjar en fékk ekki leyfi til að sinna þjálfarastarfinu samhliða því. Hann ákvað því að hætta og leitar sér nú að starfi sem hann getur sinnt með. Hann segist þó ekki vera að sækjast eftir því að komast í þjálfun hjá félagsliði í Evrópu. „Mér stóð til boða að vera áfram hjá Emsdetten en við í fjölskyldunni ákváðum að flytja heim. Það er því ekki á stefnuskránni að flytja aftur út í bráð. Það berast svo sem fyrirspurnir reglulega frá öðrum liðum en ég er mjög ánægður þar sem ég er og spennandi tímar fram undan í Austurríki."Erfitt verkefni gegn Makedóníu Austurríki dróst gegn Makedóníu í umspilinu fyrir HM á Spáni en leikirnir fara fram í byrjun júní. „Þetta verða auðvitað erfiðir leikir en það skipti í raun engu hvaða lið við hefðum fengið – þau voru öll sterk sem stóðu okkur til boða,“ sagði Patrekur. Makedónía sló í gegn á EM í Serbíu og endaði í fimmta sæti. Stórskyttan Kiril Lazarov varð markahæsti leikmaður mótsins og bætti um leið markamet Ólafs Stefánssonar frá EM 2002. „En við stefnum auðvitað á að fara áfram eins og öll lið. Annars væru þau ekki að standa í þessari baráttu. Þetta er bara verkefni sem við fáum að takast á við og ég er ánægður með það,“ bætir Patrekur við. Handbolti Mest lesið Marlena er sigurvegari Bakgarðshlaupsins Sport Sólveig keppti ólétt og á leið í þungunarrof Sport Segja Frey hafa logið að leikmönnum Fótbolti Marlena vann Bakgarðshlaupið: „Ég hljóp bara“ Sport Hafi rætt við Rúnar og Börk og allir jafn undrandi Íslenski boltinn Serbarnir fá aldrei aftur að dæma Handbolti Hafa ekki heyrt frá Hearts: „Kom mér jafn mikið á óvart og þér“ Íslenski boltinn Freyr og Kortrijk segja belgíska blaðið ljúga Fótbolti Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Fær sér ís í heita pottinum eftir tæplega 250 kílómetra hlaup Sport Fleiri fréttir HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Sjá meira
Patrekur Jóhannesson tók í haust við starfi landsliðsþjálfara Austurríkis og kom liðinu yfir sína fyrstu hindrun á leið á HM í handbolta sem fer fram á Spáni á næsta ári. Hann segir starfið gott og metnaðinn mikinn hjá austurríska landsliðinu. Patrekur er ekki fyrsti Íslendingurinn sem sinnir þessu starfi en Dagur Sigurðsson gerði það með góðum árangri frá 2008 til 2010. Hann náði níunda sæti á EM þar í landi árið 2010 og kom svo liðinu á HM í Svíþjóð áður en hann lét af störfum. Patrekur tók við af Svíanum Magnus Andersson sem átti ekki jafn góðu gengi að fagna. En forráðamenn austurríska landsliðsins ætla sér að festa liðið í sessi á alþjóðlegum vettvangi. Austurríki fór nokkuð létt í gegnum riðil sinn í forkeppninni í síðasta mánuði og spilaði þar gegn Ísrael og Bretlandi. Unnið sjö af níu leikjum„Fyrsta markmiðið var að komast í gegnum þennan riðil og gerðum við það nokkuð sannfærandi," segir Patrekur. „Erfiðasti leikurinn var útileikurinn í Ísrael en við unnum þann leik með níu mörkum. Ég er því mjög sáttur við þessa byrjun. Alls höfum við spilað níu leiki og þar af unnið sjö." Patrekur hefur verið óhræddur við að tefla fram ungum og óreyndum leikmönnum og stefnir að því að byggja upp sterkt lið til frambúðar. „Ég hef verið að gefa ungum leikmönnum stærra hlutverk og er það nauðsynlegt. Það hafa nokkrir lykilmenn gengið úr skaftinu á síðustu árum og því hefur þurft að endurnýja liðið að stóru leyti. Það hefur gengið mjög vel og við erum ánægðir með þeirra framgöngu," segir hann. „Ég er líka með eldri leikmenn sem þekkja þetta allt og þetta er því ágæt blanda." Sinnir starfinu frá ÍslandiPatrekur þekkir vel til í Þýskalandi þar sem hann spilaði lengi og fyrir skömmu þjálfaði hann lið Emsdetten í B-deildinni. Hann var þó fluttur til Íslands þegar hann tók við starfinu og er enn búsettur hér á landi. „Ég þekkti ekki mikið til austurrísku deildarinnar og var nokkuð duglegur að fara út fyrstu mánuðina. Ég hef svo góðan aðgang að leikjum í gegnum netið og verið nokkur upplýstur um gang mála í deildinni," segir Patrekur. Handboltaíþróttin hefur tekið nokkurn kipp eftir að Evrópumeistaramótið var haldið þar í landi og segir Patrekur það augljóst að það sé uppgangur þar um þessar mundir. „Það er mjög vel haldið utan um landsliðið og umgjörðin um liðið afar fagmannleg. Ég er með mjög öflugt starfsteymi í kringum liðið sem sér um að leikmenn séu vel þjálfaðir." Patrekur starfaði áður sem íþróttafulltrúi Garðabæjar en fékk ekki leyfi til að sinna þjálfarastarfinu samhliða því. Hann ákvað því að hætta og leitar sér nú að starfi sem hann getur sinnt með. Hann segist þó ekki vera að sækjast eftir því að komast í þjálfun hjá félagsliði í Evrópu. „Mér stóð til boða að vera áfram hjá Emsdetten en við í fjölskyldunni ákváðum að flytja heim. Það er því ekki á stefnuskránni að flytja aftur út í bráð. Það berast svo sem fyrirspurnir reglulega frá öðrum liðum en ég er mjög ánægður þar sem ég er og spennandi tímar fram undan í Austurríki."Erfitt verkefni gegn Makedóníu Austurríki dróst gegn Makedóníu í umspilinu fyrir HM á Spáni en leikirnir fara fram í byrjun júní. „Þetta verða auðvitað erfiðir leikir en það skipti í raun engu hvaða lið við hefðum fengið – þau voru öll sterk sem stóðu okkur til boða,“ sagði Patrekur. Makedónía sló í gegn á EM í Serbíu og endaði í fimmta sæti. Stórskyttan Kiril Lazarov varð markahæsti leikmaður mótsins og bætti um leið markamet Ólafs Stefánssonar frá EM 2002. „En við stefnum auðvitað á að fara áfram eins og öll lið. Annars væru þau ekki að standa í þessari baráttu. Þetta er bara verkefni sem við fáum að takast á við og ég er ánægður með það,“ bætir Patrekur við.
Handbolti Mest lesið Marlena er sigurvegari Bakgarðshlaupsins Sport Sólveig keppti ólétt og á leið í þungunarrof Sport Segja Frey hafa logið að leikmönnum Fótbolti Marlena vann Bakgarðshlaupið: „Ég hljóp bara“ Sport Hafi rætt við Rúnar og Börk og allir jafn undrandi Íslenski boltinn Serbarnir fá aldrei aftur að dæma Handbolti Hafa ekki heyrt frá Hearts: „Kom mér jafn mikið á óvart og þér“ Íslenski boltinn Freyr og Kortrijk segja belgíska blaðið ljúga Fótbolti Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Fær sér ís í heita pottinum eftir tæplega 250 kílómetra hlaup Sport Fleiri fréttir HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Sjá meira