Umfjöllun og viðtöl: FH - Valur 26-23 Guðmundur Marinó Ingvarsson í Krikanum skrifar 22. nóvember 2012 14:10 FH vann þriggja marka sigur á Val 26-23 í sveiflukenndum leik í Kaplakrika í kvöld í N1 deild karla í handbolta. Valur náði fimm marka forystu í seinni hálfleik en frábær vörn FH skilaði að lokum góðum þriggja marka sigri. FH hóf leikinn betur en Valur komst yfir fyrir hálfleik 10-9. Patrekur Jóhannesson tók leikhlé í stöðunni 8-5 fyrir FH eftir stundarfjórðung og í kjölfarið lokaði Valur vörninni og Hlynur Morthens datt í gang í markinu. Sigfús Sigurðsson kom inn á og tók mikið til sín í sókninni sem opnaði fyrir samherja hans sem gengu á lagið. Seinni hálfleikur hófst eins og þeim fyrri lauk. Hlynur var frábær í markinu og Valur raðaði inn mörkum úr hraðaupphlaupum og náði liðið fimm marka forystu 15-10. Þá tóku FH-ingar við sér. Leikmenn liðsins skiluðu sér betur til baka í vörn og Valur fékk því ekki mörkin úr hraðaupphlaupum. Vörn FH var mjög sterk og Daníel góður í markinu. Jafnt og þétt minnkuðu heimamenn munninn og náðu að jafna 17-17 þegar enn voru 13 mínútur til leiksloka. FH komst þremur mörkum yfir 22-19 þegar fimm mínútur voru eftir en Valsmenn gáfust ekki upp og skoruðu tvö mörk í röð. Þá tók Logi Gerisson til sinna ráða. Hann kom FH í 24-22 og 25-22 eftir að hann stal boltanum og aðeins mínúta eftir og úrslitin ráðin. Markverðir liðanna voru mjög sterkir í leiknum og Ragnar Jóhannsson, Ásbjörn Friðriksson og Logi Geirsson stigu upp fyrir FH í seinni hálfleik á sama tíma og Valsmenn réðu ekki við spennuna í leiknum. Atli Már Báruson átti þó mjög góðar innkomur í lið Vals en Valur þarf meira frá Finn Inga Stefánssyni og Valdimar Fannari Þórssyni í jöfnum leikjum sem þessum. FH lyfti sér upp í níu stig með sigrinum og skildi Val eftir með sex stig í næst neðsta sæti N1 deildarinnar. Einar: Vörnin frábær allan leikinn„Ég er mjög ánægður með strákana. Við sýndum mjög mikinn karakter í kvöld. Við lendum fimm mörkum undir og höfum verið í brekku að undanförnu og því hefði verið mjög auðvelt að gefast upp en strákarnir voru gríðarlega einbeittir,“ sagði Einar Andri Einarsson þjálfari FH í leikslok. „Þetta var týpískt fyrir okkar leik í vetur. Við erum kaflaskiptir. Við eigum frábæra kafla og erum afleitir inn á milli. Við héldum alltaf í trúna og héldum alltaf áfram. „Við klúðrum þremur dauðafærum í upphafi seinni hálfleiks og þeir refsa okkur. Við vorum að gera ágætis hluti allan leikinn. „Varnarleikurinn okkar var frábær allan tímann. Þeir skora níu mörk í fyrri hálfleik og þar af voru sex úr hraðaupphlaupum. Bæði 5-1 og 6-0 vörnin voru mjög góðar og Daníel frábær í markinu. Það er ekkert leyndarmál að við höfum verið í vandræðum með framliggjandi vörn og það er okkar að finna lausn á því. Einar Andri vildi sérstaklega hrósa ungu dómarapari leiksins. Rétt liðlega tvítugir strákar, Bjarki Bóasson og Gunnar Óli Gústafsson. „Þeir voru að dæma fyrsta leikinn sinn í deildinni og gerðu það af stakri prýði fyrir svona unga stráka. Þeir eiga heiður skilið fyrir sína frammistöðu.“ FH lék í fyrsta sinn án Ólafs Gústafssonar eftir að Ólafur samdi við stórlið Flensburg í Þýskalandi. „Það er gríðarlegt áfall að missa leikmanninn sem við höfðum byggt okkar sóknar- og varnarleik í kringum. Það er stórt skarð fyrir okkur að fylla. Hans er sárt saknað og ég vissi að það gæti verið erfitt að koma inn í þennan leik en ég fann líka hungur í strákunum að taka við keflinu,“ sagði Einar Andri. Patrekur: Megum ekki við að menn verði hauslausir„Það var fúlt að tapa þessu því þetta leit vel út. Við vorum að spila fanta vörn en við komum illa inn í leikinn og ég er óánægður með það hvernig menn mættu. Svo kom meiri hreyfing á liðið og menn fóru að spila eðlilegan handbolta. Við megum bara ekkert við því að leikmenn detti út sóknarlega og verði hauslausir á tímum,“ sagði Patrekur Jóhannesson þjálfari Vals. „Þetta var erfitt sóknarlega og okkar möguleikar fólust í því að halda vörninni og fá hraðaupphlaupin. Maður verður líka að vera raunsær. Ég er með marka leikmenn sem eru óreyndir og þurfa greinilega lengri tíma. „Það er fullt af góðum hlutum í leiknum eins og baráttan og vinnslan. Ég þarf fleiri í sókninni til að geta á skarið þegar Valdimar er tekinn svona langt út. Þá á þetta að vera algjör veisla og við náðum að hreyfa þá ágætlega á köflum í fyrri hálfleik en ég þarf að fá meira frá Þorgrími, útlendingnum Adam og Agnari. Þeir verða að axla meiri ábyrgð. „Fúsi má eiga að hann er alltaf klár að spila en það er óþolandi að menn geta ekki æft almennilega. Gunnar fyrirliði náði sér í leikbann með algjöru rugli í sjálfum sér og við verðum að leysa það einhvern vegin og Fúsi og Hjálmar skiluðu sínu. Hjálmar er að koma til eftir að ég tók við honum í núll standi í sumar. Þetta er strákur sem getur orðið góður ef hann virkilega vill það. „Menn verða að líta í eigin barm. Við erum í alvöru sporti og menn verða að vera af alvöru í því. Við erum að vinna vel úr því sem við höfum en við eigum í vandræðum þegar Valdi er tekinn út eins og sást í kvöld. Við verðum að æfa meira og fá betri gæði í sókninni,“ sagði Patrekur að lokum. Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
FH vann þriggja marka sigur á Val 26-23 í sveiflukenndum leik í Kaplakrika í kvöld í N1 deild karla í handbolta. Valur náði fimm marka forystu í seinni hálfleik en frábær vörn FH skilaði að lokum góðum þriggja marka sigri. FH hóf leikinn betur en Valur komst yfir fyrir hálfleik 10-9. Patrekur Jóhannesson tók leikhlé í stöðunni 8-5 fyrir FH eftir stundarfjórðung og í kjölfarið lokaði Valur vörninni og Hlynur Morthens datt í gang í markinu. Sigfús Sigurðsson kom inn á og tók mikið til sín í sókninni sem opnaði fyrir samherja hans sem gengu á lagið. Seinni hálfleikur hófst eins og þeim fyrri lauk. Hlynur var frábær í markinu og Valur raðaði inn mörkum úr hraðaupphlaupum og náði liðið fimm marka forystu 15-10. Þá tóku FH-ingar við sér. Leikmenn liðsins skiluðu sér betur til baka í vörn og Valur fékk því ekki mörkin úr hraðaupphlaupum. Vörn FH var mjög sterk og Daníel góður í markinu. Jafnt og þétt minnkuðu heimamenn munninn og náðu að jafna 17-17 þegar enn voru 13 mínútur til leiksloka. FH komst þremur mörkum yfir 22-19 þegar fimm mínútur voru eftir en Valsmenn gáfust ekki upp og skoruðu tvö mörk í röð. Þá tók Logi Gerisson til sinna ráða. Hann kom FH í 24-22 og 25-22 eftir að hann stal boltanum og aðeins mínúta eftir og úrslitin ráðin. Markverðir liðanna voru mjög sterkir í leiknum og Ragnar Jóhannsson, Ásbjörn Friðriksson og Logi Geirsson stigu upp fyrir FH í seinni hálfleik á sama tíma og Valsmenn réðu ekki við spennuna í leiknum. Atli Már Báruson átti þó mjög góðar innkomur í lið Vals en Valur þarf meira frá Finn Inga Stefánssyni og Valdimar Fannari Þórssyni í jöfnum leikjum sem þessum. FH lyfti sér upp í níu stig með sigrinum og skildi Val eftir með sex stig í næst neðsta sæti N1 deildarinnar. Einar: Vörnin frábær allan leikinn„Ég er mjög ánægður með strákana. Við sýndum mjög mikinn karakter í kvöld. Við lendum fimm mörkum undir og höfum verið í brekku að undanförnu og því hefði verið mjög auðvelt að gefast upp en strákarnir voru gríðarlega einbeittir,“ sagði Einar Andri Einarsson þjálfari FH í leikslok. „Þetta var týpískt fyrir okkar leik í vetur. Við erum kaflaskiptir. Við eigum frábæra kafla og erum afleitir inn á milli. Við héldum alltaf í trúna og héldum alltaf áfram. „Við klúðrum þremur dauðafærum í upphafi seinni hálfleiks og þeir refsa okkur. Við vorum að gera ágætis hluti allan leikinn. „Varnarleikurinn okkar var frábær allan tímann. Þeir skora níu mörk í fyrri hálfleik og þar af voru sex úr hraðaupphlaupum. Bæði 5-1 og 6-0 vörnin voru mjög góðar og Daníel frábær í markinu. Það er ekkert leyndarmál að við höfum verið í vandræðum með framliggjandi vörn og það er okkar að finna lausn á því. Einar Andri vildi sérstaklega hrósa ungu dómarapari leiksins. Rétt liðlega tvítugir strákar, Bjarki Bóasson og Gunnar Óli Gústafsson. „Þeir voru að dæma fyrsta leikinn sinn í deildinni og gerðu það af stakri prýði fyrir svona unga stráka. Þeir eiga heiður skilið fyrir sína frammistöðu.“ FH lék í fyrsta sinn án Ólafs Gústafssonar eftir að Ólafur samdi við stórlið Flensburg í Þýskalandi. „Það er gríðarlegt áfall að missa leikmanninn sem við höfðum byggt okkar sóknar- og varnarleik í kringum. Það er stórt skarð fyrir okkur að fylla. Hans er sárt saknað og ég vissi að það gæti verið erfitt að koma inn í þennan leik en ég fann líka hungur í strákunum að taka við keflinu,“ sagði Einar Andri. Patrekur: Megum ekki við að menn verði hauslausir„Það var fúlt að tapa þessu því þetta leit vel út. Við vorum að spila fanta vörn en við komum illa inn í leikinn og ég er óánægður með það hvernig menn mættu. Svo kom meiri hreyfing á liðið og menn fóru að spila eðlilegan handbolta. Við megum bara ekkert við því að leikmenn detti út sóknarlega og verði hauslausir á tímum,“ sagði Patrekur Jóhannesson þjálfari Vals. „Þetta var erfitt sóknarlega og okkar möguleikar fólust í því að halda vörninni og fá hraðaupphlaupin. Maður verður líka að vera raunsær. Ég er með marka leikmenn sem eru óreyndir og þurfa greinilega lengri tíma. „Það er fullt af góðum hlutum í leiknum eins og baráttan og vinnslan. Ég þarf fleiri í sókninni til að geta á skarið þegar Valdimar er tekinn svona langt út. Þá á þetta að vera algjör veisla og við náðum að hreyfa þá ágætlega á köflum í fyrri hálfleik en ég þarf að fá meira frá Þorgrími, útlendingnum Adam og Agnari. Þeir verða að axla meiri ábyrgð. „Fúsi má eiga að hann er alltaf klár að spila en það er óþolandi að menn geta ekki æft almennilega. Gunnar fyrirliði náði sér í leikbann með algjöru rugli í sjálfum sér og við verðum að leysa það einhvern vegin og Fúsi og Hjálmar skiluðu sínu. Hjálmar er að koma til eftir að ég tók við honum í núll standi í sumar. Þetta er strákur sem getur orðið góður ef hann virkilega vill það. „Menn verða að líta í eigin barm. Við erum í alvöru sporti og menn verða að vera af alvöru í því. Við erum að vinna vel úr því sem við höfum en við eigum í vandræðum þegar Valdi er tekinn út eins og sást í kvöld. Við verðum að æfa meira og fá betri gæði í sókninni,“ sagði Patrekur að lokum.
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira