Di Matteo: Höfum verið að bíða eftir rétta leiknum fyrir Oscar

Stjóri Evrópumeistara Chelsea, Roberto di Matteo, gat ekki annað en verið svekktur eftir að hans lið hafði misst niður tveggja marka forskot gegn Juventus á heimavelli.

"Við vorum í frábærri stöðu til þess að vinna leikinn. Við vissum samt líka að við værum að spila gegn gæðaliði. Við gerðum mistök í báðum mörkum þeirra en ég tek samt ekkert af þeim sem voru góðir," sagði Di Matteo en ungstirnið Oscar skoraði tvö mörk í leiknum.

"Þetta er frábært fyrir strákinn. Við höfum verið að bíða eftir rétta leiknum til þess að setja hann í byrjunarliðið. Seinna markið hjá honum var stórkostlegt.

"Þetta er smá kinnhestur fyrir okkur enda teljum við okkur hafa átt að taka öll stigin í þessum leik. Það þýðir samt ekki að dvelja við það."