Lionel Messi búinn að ná Raul í El Clásico mörkum

Lionel Messi skoraði stórglæsilegt mark beint úr aukaspyrnu á móti Real Madrid í gærkvöldi en það dugði þó ekki Barcelona-liðinu til að vinna spænska ofurbikarinn.

Messi minnkaði muninn í 2-1 þrátt fyrir að Börsungar væri tíu á móti ellefu inn á vellinum. Real Madrid hélt velli í þeim seinni og vann titilinn á fleiri mörkum skoruðum á útivelli því leikurinn í Barcelona endaði 3-2 fyrir Barca.

Lionel Messi var þarna að skora sitt fimmtánda mark í El Clásico leikjum á móti Real Madrid og nú hefur aðeins Alfredo Di Stéfano skoraði fleiri mörk í viðureignum þessara erkifjenda.

Lionel Messi komst upp að hlið Raúl með þessu frábæra marki í gær en hann skoraði í báðum leikjunum um spænska ofurbikarinn.

Cristiano Ronaldo gerði það líka en Portúgalinn hefur skoraði í fimm El Clásico leikjum í röð og er kominn upp í 12. til 17. sæti á listanum með 8 mörk.

Flest mörk í El Clásico leikjum:

Alfredo Di Stéfano 18

Lionel Messi 15

Raúl 15

César Rodríguez 14

Francisco Gento 14

Ferenc Puskás 14

Santillana 12

Hugo Sánchez 10

Juanito 10

Estanislao Basora 9

Josep Samitier 9

Cristiano Ronaldo 8

Santiago Bernabéu 8

Jaime Lazcano 8

Iván Zamorano 8

Luis Suárez 8

Martínez 8