Hörgá: Ógleymanlegt augnablik Svavar Hávarðsson skrifar 12. ágúst 2012 18:47 Þessi bleikja er vel væn, um það blandast ekki nokkrum manni hugur. Þær finnast margar svona í Hörgá. Mynd/Guðrún Kristófersdóttir Það má með sanni segja að Guðrún Kristófersdóttir hafi náð að fanga augnablikið þegar hún náði stórbrotinni ljósmynd af stökkvandi sjóbleikju á svæði 5a í Hörgá fyrir skemmstu. Veiðivísir fékk góðfúslegt leyfi til að birta myndina sem sýnir margt af því besta við að standa á bakka veiðivatns á Íslandi. Á heimasíðu SVAK segir að sjóbleikjan í Hörgá sækir langt uppá dal til að hrygna og hún þarf að yfirstíga ýmsar hindranir á leið sinni þangað. Fossinn fyrir ofan Bægisárhyl er t.d ekki alltaf greiðfær og þess vegna safnast oft mikið af bleikju í Bægisárhylnum sjálfum, en hann er einn af vinsælastu veiðistöðum í ánni. Kynþroska sjóbleikja fer að ganga í Hörgá í júlí og þær sem ganga lengst fram í dalina koma fyrstar en bleikjan hrygnir annars um alla á. Þegar líður á sumarið fara göngur vaxandi og ná hámarki í ágúst. Algeng þyngd kynþroska sjóbleikju er um 1-2 pund en þær þyngstu eru um 6 pund. Bleikjan gengur langt fram fyrir Bakkasel í Öxnadal, að Básfossi í Hörgárdal og að Byrgisfossi í Myrká sem er neðstur þriggja fossa í mynni Myrkárdals. Í lok ágúst og frameftir hausti gengur ókynþroska smábleikja í Hörgá, oft í stórum torfum. Fyrr á árum voru gerðar tilraunir til þess að rækta upp laxastofn í Hörgá en þær skiluðu ekki árangri. Einungis örfáir laxar veiðast á hverju ári. Fiskrækt hefur ekki verið stunduð í áratugi en reynt er að stemma stigu við sel, mink og veiðiþjófum með veiðum og eftirliti í samstarfi við sveitarfélögin. Eftir stendur að áin er ein sú besta þegar kemur að silungsveiði.Hér má finna afburða góðar upplýsingar um veiðisvæðið, náttúrufar og veiðileyfi á heimasíðu Stangveiðifélags Akureyrar. svavar@frettabladid.is Stangveiði Mest lesið Rjúpa eða ekki rjúpa? Veiði Níu ára gutti með 96 sentimetra hæng Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Kvennadeild SVFR hittist annað kvöld Veiði Mok á Zelduna í Eystri Rangá Veiði 22 punda lax úr Jöklu Veiði Vorfagnaður SVFR er haldinn á morgun Veiði Vötnin fyrir norðan farin að gefa vel Veiði Laxveiði á næsta fræðslukvöldi SVFR Veiði
Það má með sanni segja að Guðrún Kristófersdóttir hafi náð að fanga augnablikið þegar hún náði stórbrotinni ljósmynd af stökkvandi sjóbleikju á svæði 5a í Hörgá fyrir skemmstu. Veiðivísir fékk góðfúslegt leyfi til að birta myndina sem sýnir margt af því besta við að standa á bakka veiðivatns á Íslandi. Á heimasíðu SVAK segir að sjóbleikjan í Hörgá sækir langt uppá dal til að hrygna og hún þarf að yfirstíga ýmsar hindranir á leið sinni þangað. Fossinn fyrir ofan Bægisárhyl er t.d ekki alltaf greiðfær og þess vegna safnast oft mikið af bleikju í Bægisárhylnum sjálfum, en hann er einn af vinsælastu veiðistöðum í ánni. Kynþroska sjóbleikja fer að ganga í Hörgá í júlí og þær sem ganga lengst fram í dalina koma fyrstar en bleikjan hrygnir annars um alla á. Þegar líður á sumarið fara göngur vaxandi og ná hámarki í ágúst. Algeng þyngd kynþroska sjóbleikju er um 1-2 pund en þær þyngstu eru um 6 pund. Bleikjan gengur langt fram fyrir Bakkasel í Öxnadal, að Básfossi í Hörgárdal og að Byrgisfossi í Myrká sem er neðstur þriggja fossa í mynni Myrkárdals. Í lok ágúst og frameftir hausti gengur ókynþroska smábleikja í Hörgá, oft í stórum torfum. Fyrr á árum voru gerðar tilraunir til þess að rækta upp laxastofn í Hörgá en þær skiluðu ekki árangri. Einungis örfáir laxar veiðast á hverju ári. Fiskrækt hefur ekki verið stunduð í áratugi en reynt er að stemma stigu við sel, mink og veiðiþjófum með veiðum og eftirliti í samstarfi við sveitarfélögin. Eftir stendur að áin er ein sú besta þegar kemur að silungsveiði.Hér má finna afburða góðar upplýsingar um veiðisvæðið, náttúrufar og veiðileyfi á heimasíðu Stangveiðifélags Akureyrar. svavar@frettabladid.is
Stangveiði Mest lesið Rjúpa eða ekki rjúpa? Veiði Níu ára gutti með 96 sentimetra hæng Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Kvennadeild SVFR hittist annað kvöld Veiði Mok á Zelduna í Eystri Rangá Veiði 22 punda lax úr Jöklu Veiði Vorfagnaður SVFR er haldinn á morgun Veiði Vötnin fyrir norðan farin að gefa vel Veiði Laxveiði á næsta fræðslukvöldi SVFR Veiði