Ytri-Rangá: Veiði eykst með lokun laxastiga 1. ágúst 2012 11:19 Mynd/lax-a.is Veiðifélag Ytri-Rangár og Lax-á hafa tekið sameiginlega ákvörðun um að halda laxastiganum við Árbæjarfoss lokuðum fram á haust. Ákveðið var að hafa stigann lokaðan framan af sumri en um hann hafa tvö til fjögur þúsund laxar gengið ár hvert og týnst á efri svæðum Ytri-Rangár, hvorki mönnum né náttúru til teljandi gagns. Hins vegar hefur stiginn skilað 200 til 300 laxa veiði í Gutlfossi. Athygli vekur að eftir að stiganum í Árbæjarfossi var lokað hefur veiðin á svæðum 8 og 9 stóraukist og hefur ekki verið eins góð í mörg ár, og er góður stígandi á þessum svæðum. Frá og með hádegi í dag bætist svæði 10 við í Ytri-Rangá. Nú verður svæði 10 austurbakkinn í Ægissíðufossi ásamt því að menn geta veitt Gutlfossinn, eins og áður var. Þess má geta að þegar litið var eftir laxi við Gutlfoss sást þar lax sem þýðir að eitthvað af laxinum getur gengið fossinn utan stigans. Veiðin er stórgóð þessa dagana í Ytri Rangá og nýjar göngur hellast inn daglega. Er það mat Lax-ármanna að ekki sé langt þangað til að Ytri verður kominn í 2.000 laxa veiði. Má við þetta bæta að fyrir nokkrum dögum náðu veiðimenn 18 löxum á neðsta veiðisvæðinu, Borg, og það á aðeins tveimur þremur klukkutímum. Annar veiðimaður fékk 17 laxa á sína stöng á einum degi, svo veislan er sannarlega byrjuð af krafti í þessu gjöfula veiðivatni. svavar@frettabladid.is Stangveiði Mest lesið Meira af tölfræði í Eystri Rangá 2020 Veiði Tafir á smíði veiðihúss við Miðá Veiði Lokatölur úr flestum ánum komnar í hús Veiði Stöðug sjóbleikjuveiði í Hvalvatnsfirði Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Eystri Rangá aflahæst laxveiðiánna Veiði Gæsaveiðin gengur vel Veiði Nessvæðið í Laxá líklega besta stórlaxasvæði landsins Veiði Aðalfundur SVFR verður haldinn 21. febrúar Veiði
Veiðifélag Ytri-Rangár og Lax-á hafa tekið sameiginlega ákvörðun um að halda laxastiganum við Árbæjarfoss lokuðum fram á haust. Ákveðið var að hafa stigann lokaðan framan af sumri en um hann hafa tvö til fjögur þúsund laxar gengið ár hvert og týnst á efri svæðum Ytri-Rangár, hvorki mönnum né náttúru til teljandi gagns. Hins vegar hefur stiginn skilað 200 til 300 laxa veiði í Gutlfossi. Athygli vekur að eftir að stiganum í Árbæjarfossi var lokað hefur veiðin á svæðum 8 og 9 stóraukist og hefur ekki verið eins góð í mörg ár, og er góður stígandi á þessum svæðum. Frá og með hádegi í dag bætist svæði 10 við í Ytri-Rangá. Nú verður svæði 10 austurbakkinn í Ægissíðufossi ásamt því að menn geta veitt Gutlfossinn, eins og áður var. Þess má geta að þegar litið var eftir laxi við Gutlfoss sást þar lax sem þýðir að eitthvað af laxinum getur gengið fossinn utan stigans. Veiðin er stórgóð þessa dagana í Ytri Rangá og nýjar göngur hellast inn daglega. Er það mat Lax-ármanna að ekki sé langt þangað til að Ytri verður kominn í 2.000 laxa veiði. Má við þetta bæta að fyrir nokkrum dögum náðu veiðimenn 18 löxum á neðsta veiðisvæðinu, Borg, og það á aðeins tveimur þremur klukkutímum. Annar veiðimaður fékk 17 laxa á sína stöng á einum degi, svo veislan er sannarlega byrjuð af krafti í þessu gjöfula veiðivatni. svavar@frettabladid.is
Stangveiði Mest lesið Meira af tölfræði í Eystri Rangá 2020 Veiði Tafir á smíði veiðihúss við Miðá Veiði Lokatölur úr flestum ánum komnar í hús Veiði Stöðug sjóbleikjuveiði í Hvalvatnsfirði Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Eystri Rangá aflahæst laxveiðiánna Veiði Gæsaveiðin gengur vel Veiði Nessvæðið í Laxá líklega besta stórlaxasvæði landsins Veiði Aðalfundur SVFR verður haldinn 21. febrúar Veiði