Efri hluti Elliðaánna að koma sterkt inn 31. júlí 2012 10:29 Höfuðhylur er einn þeirra veiðistaða í efri hluta Elliðaánna sem gaf lax í gær, en flugusvæðið kemur sterkt inn í veiðina í byrjun ágúst. Mynd/Svavar Hávarðsson Þokkaleg veiði er í Elliðaánum þessa dagana þótt nokkuð hafi dregið úr veiði upp á síðkastið eftir frábæra byrjun. Árnar halda þó vel sínum hlut í samanburði við aðrar ár og dýrari. Þannig eru nú komnir 655 laxar á land sem er meiri veiði en margar aðrar ár geta státað af, segir í frétt á vef SVFR. Á morgunvaktinni í gær veiddust 9 laxar. Þar af voru tveir grálúsugir úr Sjávarfossi sem fengust strax um morguninn. Þá veiddist fiskur í Móhylsstrengjum skammt ofan veiðihússins. Sá lax var einnig nýgenginn. Samkvæmt teljaranum eru nú gengnir ríflega 1.000 laxar í árnar og enn gengur nokkuð af fiski um teljarann á hverjum sólarhring. Nú er hins vegar að ganga í garð sá tími sumars þegar flugusvæðið á efri hluta Elliðaánna fer að koma sterkt inn, enda kom það í ljós á morgunvaktinni. Þá gáfu Höfuðhylur, Símastrengur, Hraunið, Hundasteinar og Árbæjarhylur allir laxa. Sterkustu flugurnar eru Frances í rauðu og svörtu, Green Butt, Sunray Shadow o.fl. Algengar stærðir eru 14 til 16, ef Sunray Shadow er undanskilin, en ½" túbur af þeirri gerð eru fengsælar. Þá eru „hitch" smátúburnar einnig skæðar. Í frétt SVFR segir að í þurrkatíðinni í sumar hefur mörgum gengið erfiðlega að útvega sér maðk, en hann er sterkt agn í neðri hluta Elliðaánna, eins og margir vita. Því hefur verið boðið upp á þá þjónustu í veiðihúsinu í sumar að selja þeim sem þurfandi eru maðk og hefur það mælst vel fyrir. Verður framhald á þessari þjónustu svo lengi sem eitthvað er til af maðki. svavar@frettabladid.is Stangveiði Mest lesið 22 punda lax úr Jöklu Veiði Fékk eftirminnilegasta fiskinn einn uppi í gljúfri Veiði Vötnin fyrir norðan farin að gefa vel Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Stórlax á silungagræjur í Norðurá II Veiði Kvennadeild SVFR hittist annað kvöld Veiði Veiðitölur LV: Vikuveiðin 30 laxar í Norðurá! Veiði Lifnar aðeins yfir Blöndu Veiði Kalt um helgina en ágætar veiðifréttir Veiði
Þokkaleg veiði er í Elliðaánum þessa dagana þótt nokkuð hafi dregið úr veiði upp á síðkastið eftir frábæra byrjun. Árnar halda þó vel sínum hlut í samanburði við aðrar ár og dýrari. Þannig eru nú komnir 655 laxar á land sem er meiri veiði en margar aðrar ár geta státað af, segir í frétt á vef SVFR. Á morgunvaktinni í gær veiddust 9 laxar. Þar af voru tveir grálúsugir úr Sjávarfossi sem fengust strax um morguninn. Þá veiddist fiskur í Móhylsstrengjum skammt ofan veiðihússins. Sá lax var einnig nýgenginn. Samkvæmt teljaranum eru nú gengnir ríflega 1.000 laxar í árnar og enn gengur nokkuð af fiski um teljarann á hverjum sólarhring. Nú er hins vegar að ganga í garð sá tími sumars þegar flugusvæðið á efri hluta Elliðaánna fer að koma sterkt inn, enda kom það í ljós á morgunvaktinni. Þá gáfu Höfuðhylur, Símastrengur, Hraunið, Hundasteinar og Árbæjarhylur allir laxa. Sterkustu flugurnar eru Frances í rauðu og svörtu, Green Butt, Sunray Shadow o.fl. Algengar stærðir eru 14 til 16, ef Sunray Shadow er undanskilin, en ½" túbur af þeirri gerð eru fengsælar. Þá eru „hitch" smátúburnar einnig skæðar. Í frétt SVFR segir að í þurrkatíðinni í sumar hefur mörgum gengið erfiðlega að útvega sér maðk, en hann er sterkt agn í neðri hluta Elliðaánna, eins og margir vita. Því hefur verið boðið upp á þá þjónustu í veiðihúsinu í sumar að selja þeim sem þurfandi eru maðk og hefur það mælst vel fyrir. Verður framhald á þessari þjónustu svo lengi sem eitthvað er til af maðki. svavar@frettabladid.is
Stangveiði Mest lesið 22 punda lax úr Jöklu Veiði Fékk eftirminnilegasta fiskinn einn uppi í gljúfri Veiði Vötnin fyrir norðan farin að gefa vel Veiði Ein besta bleikjuveiði síðustu ára við Þingvallavatn Veiði Hrikalegar tölur úr Ytri Rangá Veiði Stórlax á silungagræjur í Norðurá II Veiði Kvennadeild SVFR hittist annað kvöld Veiði Veiðitölur LV: Vikuveiðin 30 laxar í Norðurá! Veiði Lifnar aðeins yfir Blöndu Veiði Kalt um helgina en ágætar veiðifréttir Veiði