Stella framlengir við Fram

Besti leikmaður N1-deildar kvenna, stórskyttan Stella Sigurðardóttir, hefur skrifað undir nýjan tveggja ára samning við Fram.

Stella, sem er 22 ára, hefur allan sinn feril leikið með Fram og byrjaði að spila með meistaraflokki leiktíðina 2005-06.

Hún er búin að spial 115 leiki fyrir Fram í efstu deild og hefur skorað 4,7 mörk að meðaltali í þeim leikjum.

Einhver orðrómur var um að Stella myndi reyna fyrir sér utan landsteinana næsta vetur en af því verður greinilega ekki.