Íslandsmeistarar Stjörnunnar byrja tímabilið ekki vel því meistararnir urðu að sætta sig við tap, 3-1, gegn Þór/KA fyrir norðan.
Leikurinn byrjaði reyndar ágætlega fyrir Stjörnuna því þær komust yfir með marki Ásgerðar Stefaníu Baldursdóttur úr vítaspyrnu á 11. mínútu.
Katrín Ásbjörnsdóttir jafnaði leikinn fyrir Þór/KA fyrir hlé og kom þeim svo yfir átta mínútum fyrir leikslok.
Það var svo Sandra María Jessen sem gulltryggði sigur Norðanstúlkna. Frábær byrjun hjá þeim.
Íslandsmeistararnir lágu fyrir norðan
