Margrét Lára ekki í leikmannahópi Turbine Potsdam

Margrét Lára Viðarsdóttir getur ekki tekið þátt í fyrri leik 1. FFC Turbine Potsdam á móti rússneska liðinu FC Rossiyanka í átta liða úrslitum í Meistaradeildinni en leikurinn hefst klukkan 17.00 og er í beinni á Eurosport (stöð 40 á Fjölvarpinu).

Margrét Lára er meidd aftan í læri en sömu meiðsli þýddu að hún gat aðeins spilað tvo af fjórum leikjum íslenska landsliðsins í Algarve-bikarnum á dögunum. Margrét er ekki í leikmannahópi Turbine Potsdam í dag.

Margrét Lára kom til liðs við þýska liðið í vetur og var búin að spila tvo deildarleiki með liðinu áður en kom að landsleikjafríinu. Hún missti síðan að deildarleik Turbine Potsdam um helgina.

Turbine Potsdam hefur unnið fyrstu fjóra leiki sína í Meistaradeildinni með markatölunni 31-2 en lið sló Þór/KA út úr 32 liða úrslitunum og síðan Valsbanana í Glasgow City út úr 16 liða úrslitunum.