Kórinn var vinsælastur

Kór eiginkvenna breskra hermanna, Military Wives, bar sigur úr býtum í kapphlaupinu um vinsælasta lagið um jólin í Bretlandi.

Lag þeirra heitir Wherever You Are og rann allur ágóðinn af sölu smáskífunnar til góðgerðarmála. Skífan seldist í rúmri hálfri milljón eintaka vikuna fyrir jól, sem er meira en hin ellefu lögin á listanum náðu samanlagt. Engin smáskífa hefur selst hraðar í Bretlandi í sex ár. Í næsta sæti á eftir kom stúlknasveitin Little Mix, sem vann X-Factor á dögunum, og í því þriðja lenti Nirvana með Smells Like Teen Spirit.