Hughreysti aðdáanda

Brad Pitt hughreysti aðdáanda sinn sem hafði íhugað sjálfsvíg áður en hann sá nýjustu mynd leikarans, Moneyball. Pitt var viðstaddur sýningu á myndinni þar sem hægt var að spyrja hann út í söguþráðinn að henni lokinni.

Aðdáandinn sagðist hafa glímt við sjálfsmorðshugsanir fyrr um daginn og að myndin hefði gefið honum von. Maður sem var viðstaddur sýninguna hafði þetta að segja: „Brad sagði: Heyrðu, lífið er fullt af hæðum og lægðum. Þú verður að sætta þig við það. Þú verður kannski leiður en þegar þú hressist við geta hver mistök leitt til frama."