Ófædd dóttirin í Gucci og Louis Vuitton

Stjörnuparið Beyoncé Knowles og Jay-Z eiga von á dóttur segir í tímaritinu In Touch. Parið ku vera í skýjunum en þó skipti mestu máli fyrir þau að barnið sé heilbrigt. Sagt er að Beyoncé hafi vonað það innst inni að frumburðurinn yrði stúlka.

"Beyoncé er ótrúlega náin móður sinni og óskar þess að upplifa það sama með sinni eigin dóttur," segir heimildarmaður blaðsins en söngkonan á von á sér í febrúar 2012.

Samkvæmt In Touch hefur Beyoncé þegar fyllt fataskáp barnsins með merkjafatnaði sem verður bara klætt í föt frá Gucci og Louis Vuitton þegar það er komið í heiminn.