Skandínavar sjúkir í ljósblátt sjónvarpsefni 1. september 2011 12:00 Kungarna av Tylösand hneyksluðu Svía fyrir ári enda var allt látið flakka í þeirri þáttaröð. Á myndinni eru Rang "Biskit", Camilla "Miss Cami", Nathalie " DJ Nathalie", Nemo, Emelie "EM", Erica "Lapdance", Joakim "Jockiboi" og James " El Machinero". Mynd/Magnus Selander/Kanal 5 Skandínavískir sjónvarpsþættir hafa alltaf notið mikilla vinsælda hér á landi og margir eru eflaust þeirrar skoðunar að Norðmenn, Svíar og Danir ættu að vera fyrirmyndir íslenskra sjónvarpsstöðva. Þeir eiga sér hins vegar sínar dökku hliðar. Kongerne af Marielyst er heitið á nýrri raunveruleikaseríu sem er að gera allt vitlaust í Danmörku. Í henni er fylgst með átta dönskum ungmennum skemmta sér á hinum vinsæla sumarleyfisstað Marielyst. Krakkarnir átta láta allt eftir sér í glæsilegu húsi við ströndina, það er drukkið ótæpilega og fólk er ekki feimið við að stunda kynlíf. „Ég sef hjá einni stelpu um hverja helgi," lét Knaldperlen hafa eftir sér í samtali við dönsk blöð en hann er ein aðalstjarna þáttanna. Nafnið Knaldperlen væri hægt að þýða á íslensku sem Bólfarabósann. Og hinir þátttakendurnir hugsa á svipaðan hátt; líf þeirra fyrir framan tökuvélarnar gengur einna helst út á að torga eins miklu áfengi og mögulegt er og láta síðan kylfu ráða kasti. En Danirnir eru ekki að finna upp hjólið með þessum þætti því Svíarnir höfðu fetað þessa braut í fyrra með raunveruleikaþættinum Kungarna av Tylösand, sem átti að vera sænska útgáfan af Jersey Shore. Þátturinn gerði allt brjálað í Svíþjóð, sænsku blöðin gagnrýndu hann harðlega og Twitter-notendur fóru hamförum í kringum lokaþáttinn; taldar voru 340 þúsund færslur og flestir voru sammála um að þetta væri botninn í sænsku sjónvarpi. En það vantaði ekki áhorfendurna þegar stjörnur þáttarins mökuðust og supu af stút fyrir framan tökuvélarnar.Kongerne af Marielyst hafa slegið í gegn í dönsku sjónvarpi en þeir eru gerðir eftir fyrirmynd Kungarna av Tylösand. Báðar þessar þáttaraðir voru framleiddar til höfuðs Paradise Hotel sem notið hafa mikilla vinsælda í Noregi, Finnlandi og Danmörku. Frægasta parið úr dönsku þáttunum var án nokkurs vafa turtildúfurnar Peter og Amalie en þau skildu eftir fjörutíu daga hjónaband.Báðar þáttaraðirnar voru framleiddar af sömu ástæðu; að veita raunveruleikaþáttaröðinni Paradise Hotel verðuga samkeppni. Paradise Hotel hefur slegið í gegn hjá Norðmönnum, Svíum og Dönum og ekkert lát virðist vera á vinsældum þeirra þátta. Nýjar þáttaraðir fara í loftið í haust í löndunum þremur. Söguþráðurinn er sá sami; ungmennum er flogið í draumaveröld þar sem áfengi drýpur af hverju strái, konurnar skarta oftast sílikoni og karlarnir eru velþjálfaðir og sólbrúnir. Öll eiga þau það sameiginlegt að vera alltaf til í tuskið. Raunverulegt markmið er óljóst en tilgangurinn augljós; að framleiða ljósblátt sjónvarpsklám. Og það er ekkert lát á framleiðslu raunveruleikaþátta og þá sérstaklega í Danmörku. TV 3 ætlar að ögra áhorfendum og bjóða þeim upp á eitthvað sem þeir hafa ekki áður séð. Tíu dönskum ungmennum hefur verið flogið til Tyrklands þar sem þau munu matast, drekka og njóta lystisemda holdsins. En þau taka jafnframt þátt í einstökum leik því þeim verður gert að velja milli kosta sem reyna á þá bæði líkamlega og andlega. Stiklan minnir eilítið á hryllingsmynd og ljóst að framleiðendurnir ætla að ganga einu skrefi lengra en tíðkast hefur í skandinavísku raunveruleikasjónvarpi til að laða áhorfendur að sjónvarpsskjánum. freyrgigja@frettabladid.is Lífið Mest lesið Hvar er Donald Trump? Lífið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Hátíðin áminning um að veganismi sé lífsstíll en ekki megrunarkúr Lífið „Þetta var eins og Atlantis sem sökk“ Lífið Svona heppnaðist hárígræðslan hjá Baldri og Einari Lífið Flottar flíkur og fylgihlutir fyrir haustið Lífið Jón Ólafs og Hildur Vala keyptu í Vesturbænum Lífið Smashing Pumpkins pumpuðu upp stemningu – en listin varð undir hávaðanum Gagnrýni Leggst undir hnífinn vegna brjóstakrabbameins og frestar túrnum Lífið Fleiri fréttir Hvar er Donald Trump? Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Sjá meira
Skandínavískir sjónvarpsþættir hafa alltaf notið mikilla vinsælda hér á landi og margir eru eflaust þeirrar skoðunar að Norðmenn, Svíar og Danir ættu að vera fyrirmyndir íslenskra sjónvarpsstöðva. Þeir eiga sér hins vegar sínar dökku hliðar. Kongerne af Marielyst er heitið á nýrri raunveruleikaseríu sem er að gera allt vitlaust í Danmörku. Í henni er fylgst með átta dönskum ungmennum skemmta sér á hinum vinsæla sumarleyfisstað Marielyst. Krakkarnir átta láta allt eftir sér í glæsilegu húsi við ströndina, það er drukkið ótæpilega og fólk er ekki feimið við að stunda kynlíf. „Ég sef hjá einni stelpu um hverja helgi," lét Knaldperlen hafa eftir sér í samtali við dönsk blöð en hann er ein aðalstjarna þáttanna. Nafnið Knaldperlen væri hægt að þýða á íslensku sem Bólfarabósann. Og hinir þátttakendurnir hugsa á svipaðan hátt; líf þeirra fyrir framan tökuvélarnar gengur einna helst út á að torga eins miklu áfengi og mögulegt er og láta síðan kylfu ráða kasti. En Danirnir eru ekki að finna upp hjólið með þessum þætti því Svíarnir höfðu fetað þessa braut í fyrra með raunveruleikaþættinum Kungarna av Tylösand, sem átti að vera sænska útgáfan af Jersey Shore. Þátturinn gerði allt brjálað í Svíþjóð, sænsku blöðin gagnrýndu hann harðlega og Twitter-notendur fóru hamförum í kringum lokaþáttinn; taldar voru 340 þúsund færslur og flestir voru sammála um að þetta væri botninn í sænsku sjónvarpi. En það vantaði ekki áhorfendurna þegar stjörnur þáttarins mökuðust og supu af stút fyrir framan tökuvélarnar.Kongerne af Marielyst hafa slegið í gegn í dönsku sjónvarpi en þeir eru gerðir eftir fyrirmynd Kungarna av Tylösand. Báðar þessar þáttaraðir voru framleiddar til höfuðs Paradise Hotel sem notið hafa mikilla vinsælda í Noregi, Finnlandi og Danmörku. Frægasta parið úr dönsku þáttunum var án nokkurs vafa turtildúfurnar Peter og Amalie en þau skildu eftir fjörutíu daga hjónaband.Báðar þáttaraðirnar voru framleiddar af sömu ástæðu; að veita raunveruleikaþáttaröðinni Paradise Hotel verðuga samkeppni. Paradise Hotel hefur slegið í gegn hjá Norðmönnum, Svíum og Dönum og ekkert lát virðist vera á vinsældum þeirra þátta. Nýjar þáttaraðir fara í loftið í haust í löndunum þremur. Söguþráðurinn er sá sami; ungmennum er flogið í draumaveröld þar sem áfengi drýpur af hverju strái, konurnar skarta oftast sílikoni og karlarnir eru velþjálfaðir og sólbrúnir. Öll eiga þau það sameiginlegt að vera alltaf til í tuskið. Raunverulegt markmið er óljóst en tilgangurinn augljós; að framleiða ljósblátt sjónvarpsklám. Og það er ekkert lát á framleiðslu raunveruleikaþátta og þá sérstaklega í Danmörku. TV 3 ætlar að ögra áhorfendum og bjóða þeim upp á eitthvað sem þeir hafa ekki áður séð. Tíu dönskum ungmennum hefur verið flogið til Tyrklands þar sem þau munu matast, drekka og njóta lystisemda holdsins. En þau taka jafnframt þátt í einstökum leik því þeim verður gert að velja milli kosta sem reyna á þá bæði líkamlega og andlega. Stiklan minnir eilítið á hryllingsmynd og ljóst að framleiðendurnir ætla að ganga einu skrefi lengra en tíðkast hefur í skandinavísku raunveruleikasjónvarpi til að laða áhorfendur að sjónvarpsskjánum. freyrgigja@frettabladid.is
Lífið Mest lesið Hvar er Donald Trump? Lífið „Einhvern tímann verðurðu að leyfa barninu þínu að flytja að heiman“ Lífið Fréttatía vikunnar: Fellibylur, körfubolti og Laufey Lífið Hátíðin áminning um að veganismi sé lífsstíll en ekki megrunarkúr Lífið „Þetta var eins og Atlantis sem sökk“ Lífið Svona heppnaðist hárígræðslan hjá Baldri og Einari Lífið Flottar flíkur og fylgihlutir fyrir haustið Lífið Jón Ólafs og Hildur Vala keyptu í Vesturbænum Lífið Smashing Pumpkins pumpuðu upp stemningu – en listin varð undir hávaðanum Gagnrýni Leggst undir hnífinn vegna brjóstakrabbameins og frestar túrnum Lífið Fleiri fréttir Hvar er Donald Trump? Hátíðin áminning um að veganismi sé lífsstíll en ekki megrunarkúr Fréttatía vikunnar: Fellibylur, körfubolti og Laufey Flottar flíkur og fylgihlutir fyrir haustið Indversk pizza að hætti Rakelar Maríu Trúlofuð en ekki búin að flytja inn saman „Einhvern tímann verðurðu að leyfa barninu þínu að flytja að heiman“ Bananakaka með silkimjúku súkkulaðikremi Svona heppnaðist hárígræðslan hjá Baldri og Einari Taka fyrir sambönd flugfreyja og flugmanna út frá sögum úr bransanum Jón Ólafs og Hildur Vala keyptu í Vesturbænum Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Sjá meira