Vill giftast Madonnu

Nýr kærasti söngkonunnar Madonnu, Brahim Zaibat, er aðeins tuttugu og fjögurra ára gamall en þrátt fyrir það er hann tilbúinn að ganga í hjónaband með söngkonunni. Þessu heldur tímaritið Enquirer fram.

Parið er sjaldan myndað saman en hefur átt í sambandi í tæpt ár. Að sögn heimildarmanna gæti þó orðið breyting á. „Madonna er stolt af Brahim og eftir árs samband er hún tilbúin að opinbera það. Hún er mjög hrifin af honum og ánægð með hversu vel honum semur við börn hennar,“ var haft eftir heimildarmanni.

„Brahim er alveg sama um frægð hennar og kemur fram við hana eins og konu, ekki stórstjörnu. Honum líður vel í sambandinu og vill gjarnan kvænast Madonnu. Það kæmi engum á óvart ef þau tilkynntu trúlofun sína innan skamms.“