Tekur upp nýja plötu

Leikarinn Jeff Bridges er að undirbúa nýja plötu með T-Bone Burnett, sem samdi tónlistina í myndinni Crazy Heart.

Bridges fékk Óskarinn fyrir hlutverk sitt í henni. Bridges hefur gert samning við útgáfufyrirtæki EMI, Blue Note Records, og á plötunni verða lög eftir hann og aðra lagahöfunda. Að sögn Bridges veitti tónlist Burnetts í Crazy Heart honum mikinn innblástur en Burnett fékk einnig Óskarinn fyrir eitt lag í myndinni.

Bridges hefur samið og gefið út tónlist allt sitt líf. Hingað til hefur hann þó gefið plöturnar sínar út sjálfur.