Undirskriftasöfnun gegn nýju Icesave-frumvarpi er hafin á netinu. Hægt er að nálgast síðuna með því að fara á Kjósum.is en ekki kemur fram hver stendur á bak við framtakið.
Tilgangur síðunnar er að hvetja forseta Íslands til þess að synja frumvarpinu staðfestingar, verði það samþykkt á Alþingi, og veita almenningi tækifæri til þess að kjósa um samninginn.
Þegar hafa tæplega 700 manns skráð sig á síðuna.
