Það gekk ekki allt upp hjá Felipe Massa á æfingum á Valencia brautinni á Spáni í dag. Eldtungur aftur úr bílnum á æfingunni voru merki þess að ekki var allt með feldu.
Hann tók við hlutverki þróunarökmanns á æfingu í dag, af Fernando Alonso sem hafði náð besta tíma í gær. En olíuleki varð þess valdandi að hann þurfti að hvíla um tíma, en náði síðan fimmta besta tíma.
Massa náði ekki eins góðum árangri og Alonso á síðasta keppnistímabili og það er honum mikið keppikefli að standa jafnfætis Alonso á væntanlegu keppnistímabili.
Keppnisliðin í Formúlu 1 æfa á Jerez brautinni í næstu viku og seinna í mánuðinum á brautinni í Barcelona á Spáni, en lokaæfingin verður í Barein ´i byrjun mars.
