Auðvelt hjá Fram gegn Stjörnunni

Fram er komið í úrslit deildarbikars HSÍ, Flugfélags Íslands bikarsins, eftir öruggan ellefu marka sigur, 36-25, á Stjörnunni í dag.

Sigurbjörg Jóhannsdóttir og Stella Sigurðardóttir skoruðu báðar sjö mörk fyrir Fram í dag og þær Sunna Jónsdóttir og Elísabet Gunnarsdóttir skoruðu sex mörk.

Jóna Margrét Ragnarsdóttir var allt í öllu í liði Stjörnunnar með níu mörk og Hanna Guðrún Stefánsdóttir skoraði fimm.

Fram mætir annað hvort Val eða HK í úrslitaleiknum á morgun.