Enn óljóst með endurkomu Kubica

Eric Boullier framkvæmdarstjóri Renault Formúlu 1 liðsins segir að liðið sé enn að bíða og sjá hvort Robert Kubica keppi með liðinu i Formúlu 1 á næsta ári. Kubica slasaðist í rallkeppni s.l. vetur og gat ekki keppt með liðinu í ár og hefur verið í endurhæfingu eftir óhappið.

„Það nýjasta sem ég veit er að hann getur ekki skuldbundið sig við neina tímaáætlun og við verðum því að koma upp ákveðnu samskiptaplani. Augljóslega viljum við fá hann aftur," sagði Boullier í frétt á autosport.com.

Boullier hafði gefið Kubica færi til að gefa svar í október um framtíðarplön hans, en framlengdi síðan möguleika hans á svari, þar sem ljóst var að Kubica var ekki tilbúinn. Bouiller sagðist þurfa ræða við umboðsmann Kubica um stöðuna.

„Ég er þolinmóðir af því ég siðferðislega séð er ég skuldbundinn honum og hann er okkur mikilvægur. Því miður held ég að hann sé ekki tilbúinn núna, en hann leggur mikið á sig til að ná sér," sagði Boullier.

Samningur Kubica við Renault rennur út í lok ársins, en Boullier sagðist í frétt autosport.com vilja halda möguleikanum á endurkomu Kubica til liðsins opnum hvað næsta keppnistímabil varðar, en ef hann vildi fara annað þá væri það hans mál.

GP2 meistarinn Romain Grosjean prófaði bil Renault á föstudagsæfingu í Abú Dabí, en liðið er að skoða hvaða ökumaður kemur til greina, ef Kubica keppir ekki með liðinu. Bruno Senna ekur bíl sem var ætlaður Kubica í ár, en Nick Heidfeld byrjaði tímabilið sem staðgengill Kubica, en Senna fékk síðan sætið í hans stað.