Formúlu 1 lið að meta hæfileika ungra ökumanna

Formúlu 1 lið gáfu ungum ökumönnum tækifæri á Formúlu 1 tveimur æfingum í Abú Dabí í dag og verða æfingar næstu tvo daga til viðbótar. Liðin nota æfingarnar til að meta hæfileika ungra ökumanna með framtíðina í huga eða til að prófa ýmislegt í búnaði bíla sinna.

Heitara var í veðri í dag á tveimur æfingum en í kappakstrinum í Abú Dabí á sunnudag og hinn 21 árs gamli Jean Eric Vergne á bíl meistaraliðsins Red Bull náði besta tíma dagsins samkvæmt frétt á autosport.com í dag. Jules Bianchi sem er varaökumaður Ferrari liðsins náði næstbesta tíma á bíl frá liðinu ítalska.

„Þetta var frábær dagur fyrir mig. Að keyra bíl sem vann heimsmeistaramótið er frábært og ég kunni vel við mig í hverjum hring sem ég ók. Það eru tveir dagar eftir og ég brosi því enn meira. Þetta er frábært tækifæri sem ég fæ og ég er að reyna að læra eins mikið og ég mögulega get og fá sem mest út úr þessu", sagði Vergne eftir æfinguna.

Tímarnir af autosport.com

1. Jean-Eric Vergne Red Bull-Renault 1m40.011s 83

2. Jules Bianchi Ferrari 1m40.960s 85

3. Robert Wickens Renault 1m42.217s 78

4. Fabio Leimer Sauber-Ferrari 1m42.331s 67

5. Gary Paffett McLaren-Mercedes 1m42.912s 41

6. Max Chilton Force India-Mercedes 1m43.016s 81

7. Valtteri Bottas Williams-Cosworth 1m43.118s 71

8. Oliver Turvey McLaren-Mercedes 1m43.502s 35

9. Sam Bird Mercedes GP 1m43.548s 51

10. Rodolfo Gonzalez Lotus-Renault 1m44.022s 87

11. Stefano Coletti Toro Rosso-Ferrari 1m45.278s 87

12. Dani Clos HRT-Cosworth 1m45.329s 68

13. Charles Pic Virgin-Cosworth 1m46.930s 30

14. Adrian Quaife-Hobbs Virgin-Cosworth 1m47.292s 32