Gylfi bjargaði Haukum í Eyjum

Haukar urðu í kvöld síðasta liðið til þess að tryggja sér sæti í 8-liða úrslitum Eimskipsbikars karla er Haukarnir mörðu sigur, 17-19, á ÍBV í Eyjum.

1. deildarliðið mætti mjög beitt til leiks og leiddi með einu marki, 10-9, í leikhléi. Hart var barist í síðari hálfleik en Haukarnir sluppu með skrekkinn þökk sé Gylfa Gylfason sem fór á kostum og skoraði meira en helming marka Haukanna.

Þeir mæta Val í átta liða úrslitum en það verður stórleikur 8-liða úrslitanna.

ÍBV-Haukar  17-19 (10-9)

ÍBV: Andri Heimir Friðriksson 8, Leifur Jóhannesson 3, Theodór Sigurbjörnsson 3, Grétar Þór Eyþórsson 2, Sigurður Bragason 1.

Haukar: Gylfi Gylfason 10, Freyr Brynjarsson 2, Nemanja Malovich 2, Sveinn Þorgeirsson 2, Stefán Rafn Sigurmannsson 2, Þórður Rafn Guðmundsson 1.