Jóna með tólf mörk í sigri HK á Nesinu

Jóna Sigríður Halldórsdóttir  var í miklu stuði í kvöld og skoraði tólf mörk fyrir HK í 33-26 sigri á Gróttu í N1 deild kvenna í handbolta í kvöld. HK komst upp að hlið Vals á toppnum en Íslandsmeistarar Vals hafa leikið leik færra.

HK-liðið er búið að vinna 4 af 5 leikjum sínum í vetur þar af tvo í röð eftir að liðið tapaði sínum fyrsta leik á móti Stjörnunni.

Gróttuliðið er hinsvegar eitt á botni deildarinnar en liðið hefur tapað öllum fjórum leikjum sínum.



Grótta-HK 26-33 (14-19)

Mörk Gróttu: Sunna María Einarsdóttir 9, Unnur Ómarsdóttir 4, Laufey Ásta Guðmundsdóttir 3, Tinna Laxdal Gautadóttir 3, Rebekka Guðmundsdóttir 2, Elín Helga Jónsdóttir 2, Björg Fenger 1, Steinunn Kristín Jóhannsdóttir 1, Eva Björk Davíðsdóttir 1.

Mörk HK: Jóna Sigríður Halldórsdóttir 12, Brynja Magnúsdóttir 8, Elísa Ósk Viðarsdóttir 3, Elín Anna Baldursdóttir 3, Elva Björg Arnarsdóttir 2, Harpa Baldursdóttir 2, Emma Sardarsdóttir 1, Heiðrún Björk Helgadóttir 1, Valgerður Ýr Þorsteinsdóttir 1.