Ribery vill enda ferilinn hjá Bayern

Frakkinn Franck Ribery er afar sáttur í herbúðum þýska félagsins FC Bayern og hann hefur nú gefið í skyn að hann sé til í að klára ferilinn þar.

Ribery er með samning til ársins 2015 og hefur engan áhuga á því að flytja sig um set. Þessi 28 ára leikmaður hefur verið hjá þýska félaginu síðan 2007.

"Ég sé vel fyrir mér að ég spili hérna þar til ég er orðinn 35 ára gamall. Ég gæti vel endað minn feril hérna," sagði Ribery.

Frakkinn hefur verið í flottu formi í vetur og þegar skorað 5 mörk í 11 leikjum. Hann hefur þess utan gefið 6 stoðsendingar.