Ný Formúlu 1 braut í Indlandi kostaði 300 miljónir Bandaríkjadala

Nú Formúlu 1 braut verður notuð af Formúlu 1 liðum í keppni í fyrsta skipri á Indlandi á sunnudaginn, en hún er staðsett í 50 km fjarlægð frá  miðhluta Nýju Delí og kallast brautin Buddh. Brautin var hönnuð af Hermann Tilke og fyrirtæki hans og er áætlað að það hafi kostað 300 miljónir Bandaríkjadala (nærri 34 miljarða íslenskra króna) að koma henni í gagnið samkvæmt upplýsingum frá FIA. Buddh brautin er 5.137 km að lengd og verða eknir 60 hringir í kappakstrinunm á sunnudag.



Einn indverskur ökumaður verður meðal keppenda á sunnudag, en það er Narain Karthikeyan sem ekur með HRT liðinu í stað Viantonio Liuzzi. Liuzzi víkur sæti í mótinu um helgina fyrir Kartikeyan. Karun Chandok frá Indlandi mun aka bíl Lotus liðsins á æfingu á föstudag. Þá verður Force India liðið að venju að keppa, en liðið var stofnað Indverjanum Vijay Mallay árið 2007, en það er þó staðsett í Englandi. Ökumenn Force India eru Paul di Resta og Adrian Sutil.

Karthikeyan sat fyrir svörum á fréttamannafundi í dag, ásamt fleiri ökumönnum og sagði m.a. að það væri raunhæft að komast mögulega í endmark og að slá við liðsfélaga sínum, en HRT liðið hefur ekki verið í toppslagnum frá stofun þess. Daniel Ricciardo ekur hinum HRT bílnum.

„Þetta er söguleg og táknræn stund að indverskur ökumaður sé á ráslínunni. Það verður mikið af áhorfendum hérna. Ég vil njóta helgarinnar, skemmta mér og gera eins vel og ég get," sagði Karthikeyan m.a. á fundinum í dag.

Karthikeyan sagði að föstudagurinn yrði stór dagur fyrir indverskar akstursiþróttir, en þá fara fyrstu æfingarnar fram á Buddh brautinni, sú fyrri kl. 10.00 að staðartíma, en seinni æfingin verður kl. 14.00. (Samkvæmt íslenskum tíma hefst fyrir æfingin kl. 04.30 á aðfaranótt föstudags, en sú seinni kl. 08.30) Ein æfing er á laugardag, ásamt tímatökunni og síðan er kappaksturinn á sunnudag.