Gunnhildur Yrsa og Þorlákur best

Val á liði umferða 10-18 í Pepsi deild kvenna fór fram í hádeginu í dag, en verðlaunin voru afhent í höfuðstöðvum Ölgerðarinnar.

Íslandsmeistararnir í Stjörnunni voru með fjóra fulltrúa í liðinu. Bikarmeistarar Vals höfðu þrjá leikmenn í liðinu eins og Eyjastúlkur og Blikar höfðu einn fulltrúa.

Það kom engum á óvart að besti þjálfari umferða 10-18 var Þorlákur Árnason, þjálfari Stjörnunnar, en liðið var óstöðvandi á lokasprettinum.

Gunnhildur Yrsa Jónsdóttir, fyrirliði Stjörnunnar, var valinn besti leikmaðurinn umferða 10-18, en hún leiddi lið sitt að fyrsta Íslandsmeistaratitil Stjörnunnar.

Birna Berg Haraldsdóttir var valinn besti markvörður umferð 10-18.

Stuðningsmannaverðlaunin fengu stuðningsmenn Stjörnunnar eða Silfurskeiðin eins og þeir eru svo oft kallaðir.

Lið umferða 10-18:

Markvörður: Birna Berg Haraldsdóttir, ÍBV.

Varnarmenn: Elísa Viðarsdóttir, ÍBV, Mist Edvardsdóttir, Val, Málfríður Erna Sigurðardóttir, Val, Anna Björk Kristjánsdóttir, Stjörnunni.

Tengiliðir: Gunnhildur Yrsa Jónsdóttir, Stjörnunni, Laufey Ólafsdóttir, Val, Fanndís Friðriksdóttir, Breiðabliki, Soffía Arnþrúður Gunnarsdóttir, Stjörnunni.

Framherjar: Ashley Bares, Stjörnunni, Berglind Björg Þorvaldsdóttir, ÍBV.