Evrópski seðlabankinn (ECB) hækkaði stýrivexti sína um 0,25 prósentustig í dag eins og vænst var. Þar með eru stýrivextir bankans komnir í 1,5% og hafa ekki verið hærri síðan í mars 2009.
Jean-Claude Trichet seðlabankastjóri ECB hafði gefið þessa vaxtahækkun í skyn undanfarna mánuði þar sem verðbólgan er að komast á skrið í evrulöndunum. Aðrir vextir ECB hækkuðu svipað og stýrivextirnir.
Í frétt um málið á vefsíðu börsen segir að fastlega megi búast við að danski seðlabankinn fylgi í kjölfar ECB síðar í dag með svipaðri hækkun sinna stýrivaxta.
ECB hækkar stýrivexti eins og vænst var
