Féll úr stúkunni og lést

Skelfilegt atvik átti sér stað á heimaleik hafnaboltaliðsins Texas Rangers í gær. Maður, sem hafði farið á völlinn með ungum syni sínum, féll þá úr stúkunni og lést. Hann var þá að teygja sig eftir hafnabolta sem var á leið nálægt stúkunni.

"Hann féll beint niður. Ég reyndi að grípa hann en gat það ekki," sagði Ronnie Hargis sem sat við hlið mannsins sem lést.

Maðurinn féll úr stúkunni með höfuðið á undan. Þetta er annað dauðsfallið sem á sér stað á leik í amerísku hafnaboltadeildinni á þessari leiktíð.