Vettel fremstur á ráslínu í sjöunda skipti á árinu

Sebastian Vettel á Red Bull náði besta tíma í Formúlu 1 tímatökum á Valencia brautinni á Spáni í dag. Hann varð 0.188 úr sekúndu á undan liðsfélaga sínum Mark Webber, en Lewis Hamilton varð þriðji á McLaren.

Fernando Alonso á Ferrari sem er á heimavelli var með fjórða besta tíma og Felipe Massa á samskonar bíl næstur.

Jenson Button á McLaren, sem vann síðustu keppni varð sjötti. Button er í öðru sæti í stigakeppni ökumanna á eftir Vettel sem er með 60 stiga forskot.

Vettel og Webber verða í þriðja skipti á árinu í tveimur fyrstu sætunum á ráslínu, þegar bílunum verður raðað upp á morgun á ráslínu.

Árangur Vettels jafnar árangur sem Michael Schumacher og Fernando Alonso náði árið 2006, en þá náðu þeir báðir að vera fremstir á ráslínu í sjö skipti.

Bein útsending verður frá kappakstrinum í Valencia á morgun á Stöð 2 Sport og hefst útsending kl. 11.30 og verður í opinni dagskrá.

Tímarnir frá autosport.com

 1.  Sebastian Vettel      Red Bull-Renault     1m36.975

 2.  Mark Webber           Red Bull-Renault     1m37.163  +  0.188

 3.  Lewis Hamilton        McLaren-Mercedes     1m37.380  +  0.405

 4.  Fernando Alonso       Ferrari              1m37.454  +  0.479

 5.  Felipe Massa          Ferrari              1m37.535  +  0.560

 6.  Jenson Button         McLaren-Mercedes     1m37.645  +  0.670

 7.  Nico Rosberg          Mercedes             1m38.231  +  1.256

 8.  Michael Schumacher    Mercedes             1m38.240  +  1.265

 9.  Nick Heidfeld         Renault              engin tími

10.  Adrian Sutil          Force India-Mercedes engin tími

11.  Vitaly Petrov         Renault              1m39.068s  +  1.763

12.  Paul di Resta         Force India-Mercedes 1m39.422s  +  2.117

13.  Rubens Barrichello    Williams-Cosworth    1m39.489s  +  2.184

14.  Kamui Kobayashi       Sauber-Ferrari       1m39.525s  +  2.220

15.  Pastor Maldonado      Williams-Cosworth    1m39.645s  +  2.340

16.  Sergio Perez          Sauber-Ferrari       1m39.657s  +  2.352

17.  Sebastien Buemi       Toro Rosso-Ferrari   1m39.711s  +  2.406

18.  Jaime Alguersuari     Toro Rosso-Ferrari   1m40.232   +  1.819

19.  Heikki Kovalainen     Lotus-Renault        1m41.664   +  3.251

20.  Jarno Trulli          Lotus-Renault        1m42.234   +  3.821

21.  Timo Glock            Virgin-Cosworth      1m42.553   +  4.140

22.  Tonio Liuzzi          HRT-Cosworth         1m43.584   +  5.171

23.  Jerome D'Ambrosio     Virgin-Cosworth      1m43.735   +  5.322

24.  Narain Karthikeyan    HRT-Cosworth         1m44.363   +  5.950