Afturelding og Stjarnan áfram í Valitor-bikarnum

Afturelding og Stjarnan eru komin í 8-liða úrslit í Valitor-bikar kvenna í knattspyrnu. Afturelding vann Sindra á Hornarfirði 2-0 og Stjarnan vann Þrótt á heimavelli 5-0.

Gunnhildur Yrsa Jónsdóttir,Kristen Edmonds, Kristrún Kristjánsdóttir, Þórhildur Stefánsdóttir og Ashley Bares skoruðu mörk Stjörnustúlkna í stórsigrinum á Þrótti í Garðabænum.

Á Hornafirði voru það Elín Svavarsdóttir og Kristín Halla Gylfadóttir sem skoruðu fyrir Mosfellinga í sitthvorum hálfleiknum.

Fyrr í dag komst Fylkir og ÍBV áfram í keppninni. Fjórir leikir fara fram á morgun og lýkur þar með 16-liða úrslitum í keppninni.